Jeremias 4:2 - Marahay na Bareta Biblia

² magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 4:2 Iomraidhean Croise

Genesis 22:18

asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.”

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Jeremias 12:15

Alagad pakatapos na haleon ko sinda, maheherakan ko giraray sinda; ibabalik ko an lambang nasyon sa sadiri niyang pamana saka daga.

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 7:5

“Bagohon na nindo an saindong gawe saka pamumuhay. Magin matanos kamo sa pagtratar sa lambang saro.

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Oseas 2:19

Israel, ika an sakong magigin agom; magigin tunay saka maimbod ako saimo; ipapahiling ko saimo an danay na pagkamoot saka pagkaherak asin magigin sadiri taka sagkod pa man.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

1 Corinto 1:31

Kaya siring sa nasusurat, “An boot magpaabaw-abaw, magpaabaw-abaw sa Kagurangnan.”

2 Corinto 10:17

Alagad siring sa nasasabi sa kasuratan, “An siisay man na boot mag-orgulyo, mag-orgulyo sa gibo nin Kagurangnan.”

Galacia 3:8

An kasuratan naghula na gigibohon nin Dios na magin matanos saiya an mga pagano sa paagi nin pagtubod. Kaya an kasuratan an nagpahayag ki Abraham kan Marahay na Bareta: “Sa paagi mo, bebendisyonan nin Dios an gabos na tawo.”

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 4:30

Kun kamo nasa kasakitan, asin kun nangyayari na saindo an mga bagay na iyan, magbalik kamo sa Kagurangnan asin magsunod sa saiyang tingog.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

Ruth 3:13

Digdi ka sana ngunyan na banggi asin sa aga, aaramon ta kun aakoon niya o dai an katongdan niya saimo. Kun gibohon niya, marahay; kun dai, minasumpa ako sa buhay na Dios na aakoon ko an katongdan. Magkatorog ka na digdi sagkod na mag-aga.”

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”