Jeremias 4:1 - Marahay na Bareta Biblia

¹ An Kagurangnan nagtataram, “Banwaan nin Israel, kun kamo mabalik, magbalik kamo sako. Kun haleon nindo an mga ladawan na kinakaongisan ko saka maogmang magmaimbod kamo sako,

Jeremias 4:1 Iomraidhean Croise

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

2 Mga Hade 23:13

Binasang-basang niya an mga altar na nasa sirangan nin Jerusalem, sa parteng habagat kan Bukid nin mga Oliba. An mga altar na ini ginibo ni Hadeng Solomon para ki Astarte, an makauuyam na diosa nin Sidon, para ki Kemos, an dios nin Moab, asin para ki Molek, an dios nin Ammon.

2 Mga Hade 23:24

Laen pa kaiyan, hinale ni Josias an mga espiritista, an mga parahula, an mga dios-dios asin mga ladawan, dangan an gabos na makauuyam na bagay na nahiling sa daga nin Juda saka sa Jerusalem tanganing maotob an katogonan na nasusurat sa libro na nanumpongan kan halangkaw na padi na si Hilkias duman sa Templo.

2 Mga Cronica 15:8

Kuminosog an boot ni Asa kan madangog niya an propesiya na sinambit ni Azarias na aking lalaki ni Oded. An makauuyam na mga dios-dios hinale niya sa bilog na daga nin Juda saka Benjamin asin sa mga syudad na sinakop niya sa mabulod na daga nin Efraim. Hinirahay man niya an altar nin Kagurangnan na nasa patyo kan Templo.

2 Mga Cronica 33:8

Kun otobon nin Israel an gabos kong togon saka mga pagboot na itinao sainda ni Moises, dai ko na tutugotan na mapahale pa sinda sa daga na itinao ko sa saindang mga ginikanan.”

2 Mga Cronica 34:33

Sa gabos na lugar na sadiri kan banwaan nin Israel, rinaot ni Josias an makauuyam na mga ladawan kan mga dios-dios, dangan sa gabos na aldaw nin saiyang pagkabuhay, pinagbotan niya an mga tawo na maglingkod sa Kagurangnan, an Dios nin saindang mga ginikanan.

Isaias 31:6

Nagsabi an Dios, “Banwaan nin Israel, nagkasala kamo sako, asin tinumangan nindo ako. Alagad ngunyan, magbaralik kamo sako!

Jeremias 15:19

Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:12

Tinaraman niya ako na magduman sa Israel saka magsabi, “Bakong maimbod na Israel, magbalik ka sako. Dai taka aanggotan huli ta maheherakon ako. Dai ako maaanggot saimo sagkod pa man.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 36:3

tanganing kun madangog kan mga taga Juda an gabos na karatan na boot kong darahon sainda, tibaad magbakle sinda sa mga maraot nindang gawe. Dangan papatawadon ko sinda kan mga karatan asin kasalan ninda.”

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Jeremias 7:5

“Bagohon na nindo an saindong gawe saka pamumuhay. Magin matanos kamo sa pagtratar sa lambang saro.

Jeremias 7:7

Kun magbago kamo, papaerokon ko kamo digdi sa daga na itinao ko sa mga ginikanan nindo bilang pamana sagkod lamang.

Ezekiel 11:18

Pagbalik ninda, kaipuhan haleon ninda an mga maati saka makauuyam na mga dios-dios na saindang nakua.

Ezekiel 18:13

dangan nagpapautang na may patubo. Mabubuhay daw siya? Dai nanggad! Ginibo niya an makauuyam na mga bagay na ini, kaya magagadan siya. Siya an babasolon sa sadiri niyang kagadanan.

Ezekiel 43:9

Ngunyan kaipuhan ontokon na ninda an pagsamba sa ibang mga dios-dios asin haleon na ninda an mga bangkay kan saindang mga hade, dangan maerok ako sa kaibahan ninda sagkod pa man.”

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 4:30

Kun kamo nasa kasakitan, asin kun nangyayari na saindo an mga bagay na iyan, magbalik kamo sa Kagurangnan asin magsunod sa saiyang tingog.

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.

Hukom 10:16

Kaya hinarale ninda an saindang dayuhan na mga dios asin nagsamba sa Kagurangnan. Huli kaini, naherak giraray an Kagurangnan sa kamugtakan nin Israel.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”