Jeremias 3:1 - Marahay na Bareta Biblia

¹ Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:1 Iomraidhean Croise

Salmo 106:38

Ginadan ninda idtong mga inosenteng kaakian, kaya an daga nadigtaan nin dugo kan siring na panggagadan.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 2:23

Paanong nakakasabi ka na dai ka nadigtaan, na dai ka lamang nagsamba ki Baal? Hilinga kun paano ka nagkasala sa kapantayan; hilinga kun ano an saimong ginibo. Garo ka lalaw na babaeng kamelyo na hinahabagat na nagdadalagan sa gabos na direksyon,

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 22:20

Mga taga Jerusalem, dumuman kamo sa Lebanon saka magkurahaw, dumuman kamo sa daga nin Basan saka magtangis; mag-apod kamo hale sa kabukidan nin Moab, huli ta nadaog na an gabos nindong kaalyansa.

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Jeremias 3:9

Dai man lamang niya ikinasopog an saiyang gibo. Dinigtaan niya an daga, dangan nagkasala siya nin adulteryo sa pagsamba sa mga gapo asin mga kahoy.

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

Jeremias 4:1

An Kagurangnan nagtataram, “Banwaan nin Israel, kun kamo mabalik, magbalik kamo sako. Kun haleon nindo an mga ladawan na kinakaongisan ko saka maogmang magmaimbod kamo sako,

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Ezekiel 16:26

Nakidorog ka sa marompot mong mga kataed, an mga Egipcio, asin ginamit mo an saimong pagkani-maraot na babae tanganing paanggoton ako.

Ezekiel 16:30

Ini an tataramon nin Kagurangnan Dios: “Ginibo mo ini gabos siring sa sarong daing sopog na maraot na babae.

Ezekiel 16:35

Kaya ngunyan, Jerusalem, maraot na babae, dangoga an tataramon nin Kagurangnan.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Zacarias 1:3

alagad sinasabihan ko kamo, ‘Magbalik kamo sako asin mabalik ako sa saindo.

Mateo 5:31

“Itinukdo man kaidto, ‘An siisay man na magsuhay sa saiyang agom, dapat tawan niya kan kasuratan nin pakisuhay.’

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Hukom 19:2

Alagad naanggot saiya an babae dangan nagpuli sa harong nin saiyang ama sa Betlehem sa Juda asin duman nag-erok sa laog nin apat na bulan.