Jeremias 26:2 - Marahay na Bareta Biblia

² tinaraman ako nin Kagurangnan, “Tumindog ka sa patyo kan Templo saka ipahayag mo an gabos na tataramon na ipinagboot kong sabihon mo sa mga tawong hale pa sa mga banwa nin Juda na nagduruman sa Templo tanganing magsamba. Dai mo pagpakulangan maski sarong tataramon.

Jeremias 26:2 Iomraidhean Croise

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Jeremias 1:7

Alagad tinaraman ako nin Kagurangnan, “Dai mo pagsabihon na aki ka pa, kundi magduman ka sa mga tawo na pinapadumanan ko saimo, dangan itaram mo sainda an gabos na pagboot ko.

Jeremias 19:14

Naghale ako sa Tofet na pinadumanan sako nin Kagurangnan tanganing ipahayag ko duman an saiyang mensahe. Dangan nagduman ako saka nagtindog sa patyo kan Templo asin sinabihan ko an gabos na tawo

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Jeremias 25:2

Sinabihan ko an mga taga Juda saka mga taga Jerusalem,

Jeremias 28:5

Dangan sa atubangan kan mga padi saka kan mga tawo na nagtitirindog sa laog kan Templo, sinabihan ko si Ananias,

Jeremias 36:10

Dangan binasa ni Baruc an gabos na ipinasurat ko saiya, mantang naghihinanyog an gabos na tawo. Ginibo niya ini sa laog kan Templo, sa kwarto ni Gemarias na aking lalaki ni Safan, na sekretaryo. An kwarto niya nasa itaas na patyo na harani sa palaog kan Bagong Trangkahan kan Templo.

Jeremias 42:4

Nagsimbag ako, “Mamimibi ako sa Kagurangnan na satong Dios, sosog sa saindong kahagadan, dangan sasabihon ko saindo kun ano an simbag niya. Mayo ako nin itatago saindo.”

Jeremias 7:27

“Kaya, Jeremias, sasabihon mo an gabos na tataramon na ini sa sakong banwaan, alagad dai sinda mahinanyog saimo. Aapodon mo sinda alagad dai sinda masimbag.

Ezekiel 3:10

Nagtaram pa siya sako, “Aki nin tawo, dangoga asin giromdoma an gabos na itinataram ko saimo.

Ezekiel 33:7

“Kaya ngunyan, aki nin tawo, ginibo takang bantay kan nasyon nin Israel. Itataram mo sainda an ano man na patanid na madadangog mo sako.

Ezekiel 40:4

Sinabihan niya ako, “Aki nin tawo, maghinanyog ka asin maanan mo nin marahay an gabos na ipapahiling ko saimo, huli ta iyan an dahelan kun tadaw ta ipinag-iba taka digdi. Ipapahayag mo sa banwaan nin Israel an gabos mong mahihiling.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Lukas 19:47

Nagtukdo si Jesus sa Templo aroaldaw. Hiningowang ipagadan siya kan mga poon na padi, kan mga paratukdo kan Katogonan asin kan mga lider kan banwaan.

Juan 18:20

Nagsimbag si Jesus, “Hayag akong nagtaram sa gabos; danay akong nagtutukdo sa laog kan mga sinagoga asin sa laog kan Templo na pinagtitiponan kan gabos na Judio. Mayo akong itinaram sa hilom.

Juan 8:2

Pagkaagang amay, nagbalik si Jesus sa Templo. Pinagtiriponan siya kan mga tawo; nagtukaw siya saka tinukdoan sinda.

Mga Gibo 20:20

Dai ako nagpabaya sa paghulit saindo kan ikakarahay nindo; tinukdoan ko kamo sa publiko saka sa saindong mga harong.

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

Mga Gibo 5:25

Dangan igwang nag-abot na sarong lalaki na nagbareta sainda, “An mga lalaki na ibinilanggo nindo yaon duman sa laog kan Templo asin nagtutukdo sa mga tawo!”

Mga Gibo 5:42

Aroaldaw sa Templo saka sa harong, dai sinda nag-ontok sa pagtukdo saka sa paghulit kan Marahay na Bareta dapit ki Jesus, an Cristo.

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Josue 8:35

An lambang pagboot ni Moises binasa ni Josue sa bilog na katiriponan, kaiba an kababaehan asin kaakian, siring man an mga dayuhan na nag-eerok sa kaibahan ninda.

Kapahayagan 22:19

An siisay man na mag-ina nin anoman sa mga propesiya sa librong ini, hahalean man nin Dios kan saiyang kahirasan sa bunga kan kahoy nin buhay asin sa Banal na Syudad na isinurat sa librong ini.