Jeremias 1:1 - Marahay na Bareta Biblia

¹ An librong ini iyo an kasuratan kan mga itinaram ni Jeremias, na aking lalaki ni Hilkias, na saro sa mga padi kan banwa nin Anatot, sa daga nin Benjamin.

Jeremias 1:1 Iomraidhean Croise

1 Mga Hade 2:26

Sinabihan ni Hadeng Solomon an padi na si Abiatar, “Magpuli ka sa saimong daga sa Anatot. Maninigo kang magadan, alagad dai taka ipapagadan ngunyan huli ta namahala ka sa Kaban nin Tipan nin Kagurangnan sa panahon kan sakong ama na si David asin huli ta nagdanay ka saiya sa gabos niyang kasakitan.”

1 Mga Cronica 6:60

Sa teritoryo nin Benjamin, itinao sainda an Geba, Alemet, asin Anatot, kaiba an mga dagang pasabsaban sa palibot kan mga ini. An bilang kan mga banwa na erokan kan saindang mga pamilya uminabot sa trese.

2 Mga Cronica 35:25

Sarong panambitan an ginibo ni Jeremias para ki Josias. Poon kaidto nagin kaugalean na an pag-awit kan panambitan na ini kan parakantang mga lalaki saka mga babae, kun nagmomondo sinda para ki Josias; ginibo ining sarong pagboot sa Israel. An awit na ini makukua sa libro nin mga panambitan.

2 Mga Cronica 36:12

Ginibo niya an maraot sa atubangan kan Kagurangnan. Dai siya nagpakumbaba sa propetang si Jeremias na nagtaram sa ngaran nin Kagurangnan.

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 10:30

Magkurahaw kamo, mga taga Gallim! Maghinanyog kamo, mga taga Laisa! Magsimbag kamo, mga taga Anatot!

Isaias 2:1

Iyo ini an mensahe na itinao nin Dios ki Isaias na aking lalaki ni Amoz dapit sa Juda asin sa Jerusalem:

Jeremias 11:21

Boot akong ipagadan kan mga lalaking taga Anatot, asin sinabihan ninda ako na gagadanon ako ninda kun ipadagos ko an pagpahayag kan mensahe nin Kagurangnan.

Jeremias 29:27

Tadaw ta dai mo ginibo ini ki Jeremias nin Anatot, na nagtataram sa mga tawo bilang sarong propeta?

Jeremias 30:1

An Kagurangnan, an Dios nin Israel,

Jeremias 37:12

Kaya nagpoon akong maglakaw hale sa Jerusalem pasiring sa teritoryo nin Benjamin tanganing kuahon an sakong kahirasan sa samong rogaring.

Ezekiel 1:3

Duman sa Babilonia, sa tampi kan Salog nin Kebar, nadangog kong nagtataram sako an Kagurangnan, asin namatean ko an saiyang kapangyarihan.

Daniel 9:2

Kan enot na taon kan saiyang paghahade, nag-adal ako kan mga banal na libro asin naghorophorop dapit sa setentang taon na magigin rumpag an Jerusalem, sosog sa itinaram nin Kagurangnan ki propeta Jeremias.

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Mateo 16:14

Nagsimbag sinda, “An sabi kan iba si Juan Bautista. An iba nagsasabi na si Elias, an iba naman nagsasabi na si Jeremias o saro kan mga propeta.”

Mateo 2:17

Sa pangyayaring ini naotob an sinabi ni Propeta Jeremias:

Mateo 27:9

Dangan naotob an itinaram ni Propeta Jeremias, “Kinua ninda an treyntang pedaso nin kwartang plata, an kantidad na pinagkaoroyonan kan nagkapirang mga Israelita na ibayad para saiya,