Genesis 9:5 - Marahay na Bareta Biblia

⁵ Papadusahan ko an siisay man na maggadan nin tawo. Kagadanan an padusa sa hayop man o tawo na makagadan nin tawo.

Genesis 9:5 Iomraidhean Croise

Genesis 42:22

Nagsabi si Ruben, “Sinabihan ko na kamong dai nindo pagkulogon an aki, alagad habo kamong magdangog. Kaya nagbabayad kita ngunyan kan pagkagadan niya.”

2 Samuel 4:11

Gurano pa daw karaot an sakong gigibohon sa mga maraot na tawo na guminadan nin sarong matanos, na nagkakatorog sa sadiri niyang harong? Bako daw na hahagadon ko sa saindo an saiyang dugo asin paparaon ko kamo sa ibabaw nin daga?”

1 Mga Hade 2:6

Aram mo na kun ano an dapat gibohon; dai ka magtugot na magadan siya sa natural na paagi.

2 Mga Hade 11:1

Kan maaraman ni Atalia, na ina ni Hadeng Ahazias, na gadan na an saiyang aki, nagboot siya na gadanon an gabos na kaayon sa pamilya kan hade.

2 Mga Cronica 24:22

Nalingawan kan hade an karahayan na ipinahiling saiya ni Jehoiada na ama ni Zacarias, asin ipinagadan niya ini. Kan naghihingagdan na si Zacarias, nagkurahaw siya, “Mahiling logod nin Kagurangnan an saimong ginigibo asin padusahan ka!”

2 Mga Cronica 33:24

Pinasaluiban si Amon kan saiyang mga opisyal asin ginadan duman sa palasyo.

2 Mga Cronica 33:25

Alagad ginadan kan mga tawo an mga nagpasaluib ki Amon, asin si Josias na saiyang aking lalaki iyo an ginibo nindang hade bilang kasalihid niya.

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Exodo 20:13

“Dai kamo maggadan.

Exodo 21:12

“An siisay man na magkulog nin iba dangan nagadan siya, dapat na gadanon man.

Levitico 19:16

Dai kamo magpalakop nin kaputikan manongod sa kiisay man, asin kun igwa nin tawong ipinaglalaban an saiyang buhay sa hukoman, kaipuhan na magpahayag kamo kun an sasabihon nindo makakatabang saiya. Ako an Kagurangnan.

Levitico 24:17

“An siisay man na maggadan sa saiyang kapwa, gagadanon man.

Levitico 24:21

An siisay man na magbuno kan hayop na bako man saiya, mabayad kaiyan. An siisay man na maggadan nin tawo, gagadanon man.

Mga Bilang 35:16

“Alagad kun an sarong tawo maggamit nin armas na lansang o gapo o kahoy tanganing gadanon an kapwa, nagkasala siya nin paggadan asin dapat gadanon.

Mga Bilang 35:21

o pagsuntok, nagkasala siya nin paggadan asin dapat na gadanon. An pinakaharaning kadugo kan biktima iyo an magadan kan kriminal. Gagadanon niya ini kun saiyang mahiling.

Mateo 23:35

Huli kaini kamo an papadusahan dahel sa paggadan ninda kan mga tawong inosente, poon ki Abel sagkod ki Zacarias na aki ni Barakias, na ginadan nindo sa pagultanan kan Templo saka kan altar.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Deuteronomio 19:11

“Alagad kun tuyong gadanon kan sarong tawo an saiyang kaiwal, dangan magdulag siya pasiring sa saro kan mga syudad na pailihan,

Deuteronomio 19:12

ipapakua siya duman kan mga lider kan saiyang banwa asin itatao sa kadugo kan biktima tanganing gadanon.

Hukom 9:56

Sa paaging ini, pinabayad nin Dios si Abimelec kan krimen na ginibo niya laban sa saiyang ama, kan gadanon niya an setenta niyang mga tugang na lalaki.