Genesis 9:3 - Marahay na Bareta Biblia

³ Itatao ko saindo bilang kakanon an lambang linalang na may buhay kaiba an mga berdeng tinanom. Itinatao ko saindo an gabos.

Genesis 9:3 Iomraidhean Croise

Genesis 9:2

An gabos na hayop, gamgam asin sira mabubuhay na igwa nin pagkatakot saindo. Gabos sinda mapapasairarom kan saindong kapangyarihan.

Levitico 22:8

Dai siya dapat magkakan kan karne kan arin man na hayop na nagadan o ginadan kan mga maringis na hayop; makakaati iyan saiya. Ako an Kagurangnan.

Roma 14:14

Dahel sa sakong pakisumaro sa Kagurangnan na Jesus, naniniwala ako na mayong kakanon na masasabing maati; alagad kun an sarong tawo nagtutubod na an siring na kakanon maati, an kakanon na iyan maati para saiya.

Roma 14:17

Huli ta an Kahadean nin Dios dai nangangahulogan nin kakanon saka inomon, kundi katanosan, katoninongan asin kaogmahan sa Espiritu Santo.

Roma 14:20

Dai mo pagraoton an gibo nin Dios huli sana sa kakanon. Pwedeng kaonon an gabos na kakanon, alagad sala an magkakan nin anoman na magigin dahelan kan pagkasala nin iba.

Roma 14:3

An tawong nagkakakan nin maski ano, dai dapat mag-olog-olog sa tawong nagpipili nin kakanon; siring man an tawong nagpipili nin kakanon dai dapat maghukom sa tawong nagkakakan nin maski ano, huli ta an tawong ini inako nin Dios.

1 Corinto 10:23

“Tinutugotan kitang maggibo maski ano,” iyan an sabi ninda. Totoo iyan, alagad bakong gabos na bagay marahay. “Tinutugotan kitang maggibo maski ano,” alagad bakong gabos ikakarahay.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

Deuteronomio 12:15

“Alagad pwede kamong magbuno saka magkakan kan saindong mga hayop saen man kamo mag-erok. Pwede nindong kakanon an gusto nindo sosog sa bendisyon na iwinaras saindo nin Kagurangnan. Kamo gabos, malinig man o bako, pwedeng magkakan kaiyan arog kan pagkakan nindo kan karne nin usa o nin kaagid kaiyan.

Colosas 2:16

Kaya dai nindo pagtugotan an siisay man na hukoman kamo dapit sa saindong kinakakan o iniinom, o dapit sa mga pyesta, o pagselebrar kan bagong bulan, o kan Sabbath.