Genesis 9:2 - Marahay na Bareta Biblia

² An gabos na hayop, gamgam asin sira mabubuhay na igwa nin pagkatakot saindo. Gabos sinda mapapasairarom kan saindong kapangyarihan.

Genesis 9:2 Iomraidhean Croise

Genesis 1:21

Kaya linalang nin Dios an mga darakula saka makangirhat na linalang sa katubigan, an gabos na nabubuhay diyan asin an gabos na klase nin gamgam. Nahiling nin Dios na ini marahay.

Genesis 1:26

Dangan nagtaram an Dios, “Ngunyan gibohon ta an katawohan sa satong ladawan; gibohon ta sindang arog sato. Magkakaigwa sinda nin kapangyarihan sa mga sira, sa mga gamgam, asin sa gabos na hayop, manso man o lalaw, dakula man o sadit.”

Genesis 1:28

Benendisyonan niya sinda dangan tinaraman, “Magmabinunga asin magdakul kamo; panoon nindo an bilog na kinaban asin pamahalaan iyan. Magkaigwa kamo nin kapangyarihan sa mga sira, sa mga gamgam asin sa gabos na hayop.

Genesis 2:19

Hale sa daga ginibo nin Kagurangnan Dios an gabos na hayop asin gamgam dangan dinara niya an mga ini sa tawo tanganing ngaranan; an inginaran sainda iyo na an pag-apod sainda.

Genesis 35:5

Kan magpoon na sindang maglakaw, natakot nin marahay an mga tawong nag-eerok sa mga syudad sa palibot ninda, kaya dai sinda linamag kan mga ini.

Genesis 9:1

Benendisyonan nin Dios si Noe asin an saiyang mga aking lalaki dangan tinaraman, “Magkaigwa kamo nin dakul na mga aki tanganing an saindong kapagarakian makalakop sa bilog na daga.

Genesis 9:3

Itatao ko saindo bilang kakanon an lambang linalang na may buhay kaiba an mga berdeng tinanom. Itinatao ko saindo an gabos.

An Libro ni Job 39:11

Magsasarig ka daw saiya huli ta makosog siya, asin ipapaniwala mo daw saiya an saimong magabat na trabaho?

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.

Oseas 2:18

Sa panahon na iyan makikipagtipan ako sa gabos na lalaw na hayop saka mga gamgam, tanganing dai na ninda pagkulogan an sakong banwaan. Hahaleon ko man an gabos na armas nin gera sa daga, an gabos na espada saka pana, asin tutugotan kong mamuhay an sakong banwaan na matoninong asin ligtas.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Santiago 3:7

Napapagaro kan tawo asin napagaro na an ibang mga linalang—mga lalaw na hayop saka mga gamgam, mga nagkakamang na hayop asin mga sira—