Genesis 8:1 - Marahay na Bareta Biblia

¹ Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

Genesis 8:1 Iomraidhean Croise

Genesis 19:29

Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

Genesis 30:22

Dangan nagiromdoman nin Dios si Rachel; sinimbag niya an mga pamibi kaini asin pinapangyaring mag-aki.

Genesis 9:10

asin sa gabos na may buhay—sa gabos na gamgam asin hayop—sa gabos na kaibahan nindo na nagruluwas sa arka.

Nehemias 13:14

Giromdoma, Dios ko, an mga ginibo kong ini para sa saimong Templo asin sa paglingkod diyan.

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

Nehemias 13:29

Giromdoma, Dios ko, kun paano dinigtaan kan mga tawong idto an katongdan nin pagkapadi asin an tipan na ginibo mo sa mga padi saka sa mga Levita.

Nehemias 13:31

Ihinusay ko an pagdadara kan mga kahoy para sa mga atang sa talaan na mga panahon, siring man an pagdadara kan mga tawo kan trigo, saka enot na mga bunga nin kahoy. Giromdoma an gabos na ini, Dios ko, asin itao mo sako an maninigong balos.

An Libro ni Job 12:15

Kun siya dai minatao nin uran, naaalang an daga; kun pinapauran niya, nagkakaigwa nin pagbaha.

An Libro ni Job 14:13

“Marahay pang tagoon mo ako sa kinaban kan mga gadan; nakatago sagkod na mawara an saimong kaanggotan, dangan giromdomon mo sa talaan na panahon.

Salmo 105:42

Huli ta nagiromdoman niya an banal niyang panuga ki Abraham na saiyang sorogoon.

Salmo 106:4

Giromdoma ako, Kagurangnan, kun tinatabangan mo an saimong banwaan. Ibahan ako kun sinda tinatawan mo nin kaligtasan.

Salmo 115:12

Ginigiromdom niya kita asin bebendisyonan; bebendisyonan niya an banwaan nin Israel, bebendisyonan niya an gabos na padi nin Dios.

Salmo 132:1

Kagurangnan, giromdoma si David asin an gabos na sakit na saiyang tinios.

Salmo 136:23

Siya an nakagiromdom kan kita nagkadaraog; an saiyang pagkamoot mayo nin kataposan;

Salmo 137:7

Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

Salmo 29:10

An baha pinaghahadean nin Kagurangnan. An Kagurangnan hade sagkod pa man.

Salmo 36:6

Arog sa kabukidan nin Dios an saimong katanosan; an saimong mga paghukom arog sa dakulang kairaroman. Tawo asin hayop saimong inaataman.

Exodo 14:21

Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Exodo 15:10

Alagad sa saro mong hinangos, O Kagurangnan, an mga Egipcio nalamos, siring sa timga na nag-irarom tolos.

Exodo 2:24

Nadangog sinda nin Dios asin nagiromdoman niya an saiyang tipan ki Abraham, ki Isaac asin ki Jacob.

Mga Talinhaga 25:23

Kun paano nagdadara nin uran an amihan na doros, nagdadara man nin kaanggotan an paglibak.

Isaias 44:27

Huli sa sarong pagboot pinaalang ko an dagat.

Jeremias 50:38

Pagkaalang para sa saiyang daga; pagkahubas para sa saiyang mga salog. An Babilonia iyo an daga nin nakakatakot na mga dios-dios na nagparungaw sa mga tawo.

Amos 8:7

An Kagurangnan, an Dios nin Israel, nagsumpa, “Dai ko nanggad malilingawan an mga maraot nindang gibo.

Jonas 4:11

Dai ko man daw dapat na maherakan an Nineve, idtong dakulang syudad, na igwa nin syento beynte mil na inosenteng mga aki, asin dakul na mga hayop?”

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Zacarias 10:11

Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.

Mga Bilang 10:9

Kun kamo makigera sa mga kaiwal na nagsalakay saindo sa sadiri nindong daga, patanogon nindo an mga trompeta bilang alarma, tanganing ako, an Kagurangnan na saindong Dios, an matabang saindo asin maligtas sa saindo.

Mga Bilang 22:32

Naghapot an anghel, “Tadaw ta hinampak mo nin makatolo an saimong asno? Napadigdi ako tanganing olangon an saimong agihan, huli ta dai mo dapat ginibo an paglakaw na ini.

Kapahayagan 16:19

An dakulang syudad nabanga sa tolong kabtang; narumpag an mga syudad sa gabos na nasyon. Nagiromdoman nin Dios an bantog na Babilonia; pinainom niya ini nin arak sa kopa niya—an arak kan saiyang makuring kaanggotan.

Kapahayagan 18:5

Huli ta an saiyang mga kasalan tambak na sagkod sa kalangitan, dai malilingawan nin Dios an saiyang karatan.

1 Samuel 1:19

Sunod na aldaw, nagbangon na amay si Elkana asin an saiyang pamilya dangan nagsamba sa Kagurangnan. Pakatapos, nagpuli sinda sa Rama. Dinorogan ni Elkana an saiyang agom na si Hanna asin sinimbag nin Kagurangnan an saiyang pamibi.