Genesis 7:4 - Marahay na Bareta Biblia

⁴ Huli ta pitong aldaw poon ngunyan, papauranon ko sa laog nin kwarentang aldaw asin banggi tanganing mawara an gabos na nabubuhay na ginibo ko.”

Genesis 7:4 Iomraidhean Croise

Genesis 2:5

mayo nin ano man na tinanom asin banhi na nagtalubo sa ibabaw nin daga, huli ta dai pa niya pinapauran asin mayo pa nin mag-aataman;

Genesis 6:13

Nagtaram an Dios ki Noe, “Nagdesider na akong paraon an katawohan huli ta an daga pano na nin kadahasan huli sainda.

Genesis 6:17

Papadarahan ko nin baha an bilog na kinaban tanganing gadanon an gabos na may buhay. Magagadan an gabos na yaon sa daga,

Genesis 6:3

Dangan nagtaram an Kagurangnan, “Dai ko tutugotan na mabuhay sagkod lamang an tawo; siya may kagadanan. Poon ngunyan, sagkod sana sa syento beynteng taon an magigin buhay niya.”

Genesis 6:7

Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

Genesis 7:10

Dangan pakalihis nin pitong aldaw, uminabot an baha.

Genesis 7:12

kaya nag-uran sa kinaban sa laog nin kwarentang aldaw asin banggi.

Genesis 7:17

Nagpadagos an pagbaha sa laog nin kwarentang aldaw dangan naghararom an tubig sagkod na luminataw an arka.

Genesis 7:3

Magdara ka man nin pitong pades kan lambang klase nin gamgam. Giboha ini tanganing mabuhay asin magdakul giraray sa daga an gabos na klase nin hayop asin gamgam.

Genesis 8:10

Pinalihis ni Noe an pito pang aldaw dangan pinalayog niya giraray an salampati.

Genesis 8:12

Pinalihis ni Noe an pito pang aldaw dangan pinalayog niya giraray an salampati. Dai na ini nagbalik.

Genesis 8:2

Naserahan na an mga burabod nin tubig sa irarom kan daga asin an mga bintana sa kalangitan. Nag-ontok an pag-uran,

An Libro ni Job 22:16

Bago nag-abot an saindang panahon, inanod sinda kan sarong baha.

An Libro ni Job 28:25

Kan itao nin Dios sa doros an kapangyarihan kaiyan asin itinalaan an sukol kan katubigan;

Salmo 69:28

Paraa sinda sa libro kan mga nabubuhay; sa listahan kan mga matanos dai mo sinda ibilang.

Jeremias 28:16

Kaya nagsasabi mismo an Kagurangnan na hahaleon ka niya sa ibabaw kan daga. Sa taon na ini magagadan ka huli ta tinaraman mo an mga tawo na magrebelde sa Kagurangnan.”

Amos 4:7

Dai ko ipinadara an uran kan kaipuhan nanggad nindo iyan. Nagpadara ako nin uran sa sarong syudad, alagad dai sa ibang syudad. Naghugpa an uran sa sarong oma, alagad mamara sa ibang oma.

Kapahayagan 3:5

An mga manggagana gugubingan man nin puti, saka dai ko paparaon an saindang ngaran sa libro nin buhay. Mimidbidon ko sinda sa atubang kan sakong Ama asin kan saiyang mga anghel.