Genesis 7:11 - Marahay na Bareta Biblia

¹¹ Kan ikadyes y syeteng aldaw kan ikaduwang bulan, kan an edad ni Noe seis syentos na taon na, nagpurutok an gabos na burabod nin tubig sa irarom kan daga, asin nagkaburuksan an mga bintana kan kalangitan,

Genesis 7:11 Iomraidhean Croise

Genesis 1:7

Nangyari ini. Ginibo nin Dios an kahiwasan na nagsuhay kan tubig na nasa irarom sa tubig na nasa ibabaw.

Genesis 6:17

Papadarahan ko nin baha an bilog na kinaban tanganing gadanon an gabos na may buhay. Magagadan an gabos na yaon sa daga,

Genesis 7:6

Kan magbaha sa kinaban, seis syentos na taon na an edad ni Noe.

Genesis 8:14

Kaya sa ikabeynte y syeteng aldaw kan ikaduwang bulan, mamara na an bilog na daga.

Genesis 8:2

Naserahan na an mga burabod nin tubig sa irarom kan daga asin an mga bintana sa kalangitan. Nag-ontok an pag-uran,

2 Mga Hade 7:19

Sinimbag ini kan kapitan nin, “Imposible iyan; maski bukasan pa nin Kagurangnan an mga bintana nin langit!” Nagsabi si Eliseo, “Mahihiling mo ini, alagad dai ka makakanamit kan pagkakan.”

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

An Libro ni Job 12:15

Kun siya dai minatao nin uran, naaalang an daga; kun pinapauran niya, nagkakaigwa nin pagbaha.

An Libro ni Job 28:4

Harayo sa pinag-eerokan nin mga tawo o sa lugar na dai pa lamang nabatoyan nin mga bitis, nagmimina an mga tawo. Mamondong nagtatrabaho sinda duman, nagkukulambitay sa mga lubid sa laog kan mga kalot.

An Libro ni Job 38:16

“Nakaduman ka na daw sa mga burabod kan dagat, o nakalakaw sa pusod kan kairaroman?

An Libro ni Job 38:37

Siisay an madonong na makakabilang sa mga panganoron asin makakabaliktad kaini tanganing umula an uran,

Salmo 33:7

An gabos na dagat tinipon niya sa sarong lugar; an mga kaladman linaom niya sa mga sarayan.

Salmo 74:15

Pinabulos mo an mga sapa saka burabod; pinamara mo an mga darakulang salog.

Mga Talinhaga 3:20

Huli kan saiyang pakaaram, nagbubulos an mga salog, asin nagtatao nin uran sa daga an mga panganoron.

Isaias 24:18

An siisay man na maghingowang makadulag sa katakotan mahuhulog sa kalot, asin an makadulag sa kalot madadakop kan siod. Mahugpa an makosog na uran, asin matatanyog an mga pundasyon kan kinaban.

Isaias 24:19

Magatak an daga, mapapasa asin mababanga.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Jeremias 51:16

Sa pagboot niya minahagubohob an mga tubig sa ibabaw kan langit; pinapaitaas niya an mga alopoop hale sa mga poro kan daga. Pinapasilyab niya an kikilat sa tahaw kan uran, asin pinapaluwas niya an doros hale sa saiyang sarayan.

Ezekiel 26:19

Ini an itinataram nin Kagurangnan Dios, “Gigibohon takang sarong mamondong syudad, arog kamondo kan nagkararaot na mga syudad na mayo nin nag-eerok. Tatahoban taka kan mga tubig kan dakulang dagat.

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mateo 24:38

Bago magbaha, sige sana an karakanan, irinoman, asin aragoman kan mga tawo, sagkod sa aldaw na naglaog si Noe sa arka.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

2 Pedro 3:6

Huli man sa tubig—an dakulang baha—nalaglag an daan na kinaban.