Genesis 6:2 - Marahay na Bareta Biblia

² nahiling kan mga aki nin Dios na magagayon an mga aking babae kan mga tawo, kaya inagom ninda an saindang nagustohan.

Genesis 6:2 Iomraidhean Croise

Genesis 12:11

Kan malaog na siya sa Egipto, sinabihan niya si Sarai na saiyang agom, “Saro kang magayon na babae.

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

Genesis 26:35

Huli sainda, nagin mapait an buhay ni Isaac asin ni Rebecca.

Genesis 27:46

Sinabihan ni Rebecca si Isaac, “Nauuyam na ako sa dayuhan na mga agom ni Esau. Kun mag-agom man si Jacob nin sarong babaeng Heteo, mas marahay pang magadan na ako.”

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Genesis 4:26

Nagkaigwa nin aking lalaki si Set na nginaranan niyang Enos. Sa panahon na iyan, an mga tawo nagpoon nang mag-apod sa ngaran nin Kagurangnan.

Genesis 6:1

Kan magpoon nang magdakul an katawohan sa bilog na kinaban, asin kan nag-araki na sinda nin mga babae,

Genesis 6:3

Dangan nagtaram an Kagurangnan, “Dai ko tutugotan na mabuhay sagkod lamang an tawo; siya may kagadanan. Poon ngunyan, sagkod sana sa syento beynteng taon an magigin buhay niya.”

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

An Libro ni Job 1:6

Kan magdatong an aldaw na maatubang sa Kagurangnan an langitnon na mga linalang, si Satanas yaon man duman sa kaibahan ninda.

An Libro ni Job 31:1

“Nanuga ako na dai nanggad ako mahiling na may karigsokan sa sarong daraga.

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Malakias 2:11

Linapas kan mga taga Juda an saindang panuga sa Dios asin naggibo sinda nin makauuyam na bagay sa Jerusalem asin sa bilog na daga. Dinigtaan ninda an Templo na namomotan nin Kagurangnan. Inagom kan mga lalaki nin Juda an mga babaeng nagsasamba sa dayuhan na mga dios-dios.

Malakias 2:15

Bakong an Dios an nagsaro saindo sa hawak asin sa espiritu? Ano an katuyohan niya sa paggibo kaini? An katuyohan iyo na magkaigwa kamo nin mga aki na totoong diosnon. Kaya hingowahon nanggad nindo na mayo saindo nin maglapas kan saiyang panuga sa saiyang agom.

1 Corinto 7:39

An babaeng may agom dai pwedeng magpaagom sa iba mantang buhay pa an agom niya. Kun gadan na an agom niya, saka pa sana siya makakapaagom sa kiisay man na maoyonan niya, alagad sa sarong paratubod sana.

2 Corinto 6:18

Ako an magigin ama nindo, kamo an magigin mga aki ko, olay kan Makakamhan na Kagurangnan.”

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.