Genesis 48:1 - Marahay na Bareta Biblia

¹ Dai nahaloy, naosipan si Jose na naghehelang an saiyang ama. Kaya ipinag-iba niya an duwa niyang aki na si Manases saka si Efraim, asin dinalaw ninda si Jacob.

Genesis 48:1 Iomraidhean Croise

Genesis 46:20

An mga aki ni Jose sa Egipto: si Manases asin si Efraim. An mga ini iyo an mga aki ni Jose ki Asenat, an aking babae ni Potifera na sarong padi sa On.

Genesis 48:2

Kan maaraman ni Jacob na nagsongko saiya an aki niyang si Jose, nagpirit siyang magtukaw sa higdaan.

Genesis 48:5

Nagpadagos si Jacob, “Jose, an duwa mong aking namundag digdi sa Egipto bago ako nagdigdi, sadiri ko; mga aki ko si Efraim saka si Manases, siring na mga aki ko si Ruben asin si Simeon.

Genesis 50:23

Nahiling pa niya an mga aki asin makoapo ni Efraim; siya man an nag-ako sa pamilya kan mga aki ni Makir na aki ni Manases.

2 Mga Hade 13:14

Si Eliseo nagkaigwa nin grabeng helang, asin kan siya naghihingagdan na, dinalaw siya ni Hadeng Jehoas nin Israel. Nagsabi si Jehoas mantang naghihibi, “Ama ko, ama ko! Ika an nagin makosog na parasurog nin Israel!”

2 Mga Hade 13:20

Nagadan si Eliseo saka ilinubong. Igwa kaidto nin mga grupo nin Moabita na taon-taon minasalakay sa daga nin Israel.

An Libro ni Job 42:16

Pakatapos kaini, nabuhay pa si Job nin syento kwarentang taon. Nahiling niya an saiyang mga makoapo sagkod sa ikaapat na henerasyon,

Salmo 128:6

Mahiling mo logod an mga aki kan saimong kaakian! An katoninongan mapasa-Israel!

Juan 11:3

Kaya pinatogonan si Jesus kan magtugang na babae, “Kagurangnan, an padangat mong katood naghehelang.”

Hebreyo 11:21

Huli sa pagtubod, benendisyonan ni Jacob, kan naghihingagdan na siya, an duwang aking lalaki ni Jose; naghungko siya sa saiyang sugkod saka nagsamba sa Dios.