Genesis 4:9 - Marahay na Bareta Biblia

⁹ Hinapot nin Kagurangnan si Cain, “Haen si Abel na saimong tugang?” Nagsimbag siya, “Dai ko aram. Ano ako, paraataman kan sakong tugang?”

Genesis 4:9 Iomraidhean Croise

Genesis 37:26

Nagsabi si Juda sa saiyang mga tugang, “Anong pakinabang an mapapasato kun gadanon ta an satong tugang asin matahoban an krimen?

Genesis 37:32

Dinara ninda an gubing sa saindang ama asin sinabihan, “Nakua mi ini. Midbida daw kun gubing ini ni Jose.”

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Salmo 9:13

Maherak ka sako, O Kagurangnan! Hilinga an sakong mga kasakitan na gibo kan sakong mga kaiwal! Ligtasan ako sa kagadanan, O Kagurangnan,

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.