Genesis 4:2 - Marahay na Bareta Biblia

² Dai nahaloy nangaki pa siya nin saro pang lalaki, si Abel. Siya nagin sarong pastor nin mga karnero alagad si Cain sarong paraoma.

Genesis 4:2 Iomraidhean Croise

Genesis 3:23

Kaya pinaluwas siya nin Kagurangnan Dios sa tatamnan nin Eden asin pinapag-oma kan daga na ginikanan niya.

Genesis 37:13

Sinabihan ni Jacob si Jose, “Magduman ka sa Shekem, sa mga tugang mong nagpapasabsab kan mga hayop.” Nagsimbag si Jose, “Andam akong magduman.”

Genesis 4:1

Dinorogan ni Adan si Eva na saiyang agom asin nagbados ini dangan nangaki nin lalaki. Nagsabi an babae, “Huli sa tabang nin Kagurangnan, nakakua ako nin aking lalaki.” Kaya nginaranan niya ini nin Cain.

Genesis 4:3

Uminabot an panahon na nagdara si Cain kan kabtang kan saiyang ani tanganing idolot sa Kagurangnan.

Genesis 47:3

Naghapot an hade sainda, “Ano an saindong mga trabaho?” Nagsimbag sinda, “Mga pastor kami siring kan samong mga ginikanan.

Genesis 9:20

Si Noe na sarong paraoma, iyo an kaenot-enoteng tawo na nagtanom nin ubas.

Salmo 127:3

An mga aki pamanang gikan sa Kagurangnan; sinda tunay na mga biyaya.

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Amos 7:15

Alagad hinale ako nin Kagurangnan sa trabahong iyan dangan pinagbotan niya ako na magdigdi dangan magpropesiya sa saiyang banwaan nin Israel.

Lukas 11:50

Kaya an mga tawo sa panahon na ini iyo an papadusahan huli sa paggadan kan gabos na propeta poon na lalangon an kinaban,

Lukas 11:51

poon sa paggadan ki Abel sagkod sa paggadan ki Zacarias na ginadan sa pagultanan kan Templo asin altar. Sinasabihan ko kamo, na an mga tawo ngunyan na panahon iyo an papadusahan huli kan mga ginaradan na idto.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 3:12

Dai ta pag-arogon si Cain; sadiri siya kan Maraot, asin ginadan niya an saiyang tugang. Tadaw ta ginadan ni Cain an saiyang tugang na si Abel? Huli ta an mga gibo ni Cain maraot, alagad an mga gibo kan saiyang tugang matanos.

1 Juan 3:15

An siisay man na naoongis sa saiyang tugang, sarong paragadan, asin aram nindo na an sarong paragadan mayo nin buhay na daing kataposan.