Genesis 4:10 - Marahay na Bareta Biblia

¹⁰ Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Genesis 4:10 Iomraidhean Croise

Genesis 18:20

Dangan tinaraman nin Kagurangnan si Abraham, “Dakul nang marahay an sumbong laban sa Sodoma saka Gomorra asin grabe na an kasalan ninda.

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

Genesis 9:5

Papadusahan ko an siisay man na maggadan nin tawo. Kagadanan an padusa sa hayop man o tawo na makagadan nin tawo.

2 Mga Hade 9:26

‘Nahiling ko kasuodma an paggadana ki Nabot asin sa saiyang mga aking lalaki. Nanunuga ako na papadusahan taka digdi sa lugar na ini.’ Kaya buhaton mo an saiyang bangkay asin itapok mo sa daga ni Nabot, tanganing maotob an tataramon nin Kagurangnan.”

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

An Libro ni Job 16:18

“O daga, hare pagtagoa an mga karatan na ginibo sako! Hare pag-ontoka an sakong inagrangay para sa katanosan!

An Libro ni Job 24:12

Hale sa mga syudad, nag-aagrangay an mga nalugadan asin naghihingagdan, alagad dai dinadangog nin Dios an saindang mga pamibi.

Salmo 50:21

An gabos na ini ginibo mo, asin ako nag-alo, kaya naghona kang arog ako saimo. Alagad sinagwe taka ngunyan asin ipinaliwanag an bagay na ini saimo.

Salmo 72:14

An saindang buhay tinutubos niya sa kaapihan asin sa kadahasan; an saindang dugo mahalaga para saiya.

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Salmo 9:13

Maherak ka sako, O Kagurangnan! Hilinga an sakong mga kasakitan na gibo kan sakong mga kaiwal! Ligtasan ako sa kagadanan, O Kagurangnan,

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Mga Bilang 35:33

Kun gibohon nindo iyan, didigtaan nindo an dagang pinag-eerokan nindo; huli ta an paggadan nakakadigta sa daga. Kaya pwera kan paggadan sa kriminal mayo na nin ibang paagi tanganing matubos an daga na nabulosan nin dugo kan biktima.

Mga Gibo 5:3

Tinaraman siya ni Pedro, “Ananias, tadaw ta nagpadaog ka ki Satanas asin nagputik ka sa Espiritu Santo, ta tinago mo an ibang kwarta kan kabaklan kan daga mo?

Mga Gibo 5:9

Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

Deuteronomio 21:1

“Kun may makua kamong tawong gadan sa daga na itatao saindo nin Kagurangnan na saindong Dios, asin dai nindo aram kun siisay an guminadan saiya,

Hebreyo 11:4

Huli sa pagtubod, nagdolot si Abel sa Dios nin mas marahay na atang ki sa atang ni Cain. Huli kan pagtubod ni Abel, inako siya nin Dios bilang matanos; bilang patotoo kaiyan, inako nin Dios an saiyang mga dolot. Gadan na si Abel, alagad huli kan saiyang pagtubod nagtataram pa siya.

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”

1 Samuel 13:11

alagad naghapot si Samuel, “Ano an ginibo mo?” Nagsimbag si Saul, “Kan mahiling kong binabayaan ako kan mga tawo asin dai ka pa nag-abot sa talaan na panahon na itinao mo, dangan nagtiripon an mga Filisteo sa Micmas,