Genesis 3:8 - Marahay na Bareta Biblia

⁸ Kan hapon na idto nadangog nindang naglalakaw sa tatamnan an Kagurangnan Dios, kaya nagtago sinda sa kakahoyan.

Genesis 3:8 Iomraidhean Croise

Genesis 18:33

Naghale na an Kagurangnan pakatapos niyang magtaram ki Abraham; nagpuli man si Abraham sa saiyang harong.

Genesis 3:10

Nagsimbag siya, “Nadangog taka sa tatamnan; natakot ako kaya nagtago ako huli ta huba ako.”

An Libro ni Job 22:14

Naghohona kang huli sa mahibog na mga panganoron, dai na siya makakahiling, mantang naglalakaw siya sa pagultanan kan daga saka langit.

An Libro ni Job 31:33

Hiningowa kan ibang tawo na itago an saindang mga kasalan, alagad dai ko ginibo iyan.

An Libro ni Job 38:1

Dangan hale sa sarong makosog na doros sinimbag nin Kagurangnan si Job:

Mga Talinhaga 15:3

An Kagurangnan naghihiling maski saen; minamasdan niya an maraot saka an marahay.

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Levitico 26:12

Iibahan ko kamo; ako an saindong magigin Dios asin kamo an magigin banwaan ko.

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Roma 2:15

An mga gawe ninda nagpapahiling na nakasurat sa puso ninda an ipinagboboot kan Katogonan. Pinapatunayan man iyan kan konsyensya ninda, huli ta kun minsan binabasol sinda kan saindang pag-isip asin kun minsan sinusurog sinda.

Deuteronomio 23:14

Linigan nindo an saindong kampo huli ta kaiba nindo diyan an Kagurangnan na saindong Dios sa pagligtas saindo asin sa pagtao saindo nin kapangganahan laban sa saindong mga kaiwal. Dai kamo maggibo nin ano man na kadustaan tanganing dai kamo bayaan nin Kagurangnan.

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 5:25

Alagad tano ta mapagadan kita? Tututongon kita kan makatakot na kalayong iyan. Magagadan nanggad kita kun madangog pa nyatong magtaram an Kagurangnan na satuyang Dios.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Kapahayagan 6:15

Dangan an mga hade sa kinaban, an mga darakulang tawo, an mga opisyal kan hukbo, an mga mayaman saka mga mapangyari asin an gabos na iba pang mga tawo, oripon o bako, nagtago sa mga lungib asin sa mga darakulang gapo nin kabukidan.