Genesis 3:6 - Marahay na Bareta Biblia

⁶ Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Genesis 3:6 Iomraidhean Croise

Genesis 3:12

Nagsimbag an lalaki, “An babaeng itinao mo tanganing magin kaibahan ko iyo an nagtao sako kan bunga, kaya nagkakan ako.”

Genesis 3:17

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

Genesis 39:7

kaya dai nahaloy, nagkaigwa nin pagmawot saiya an agom ni Potifar asin nagsabi saiya, “Dorogan mo ako.”

Genesis 6:2

nahiling kan mga aki nin Dios na magagayon an mga aking babae kan mga tawo, kaya inagom ninda an saindang nagustohan.

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

1 Mga Hade 13:19

Kaya nag-iba saiya an propetang gikan sa Juda. Nagkakan siya asin nag-inom sa harong kan gurang na propeta.

An Libro ni Job 31:1

“Nanuga ako na dai nanggad ako mahiling na may karigsokan sa sarong daraga.

Ezekiel 24:16

“Aki nin tawo, sa sarong hiro kan kamot, kukuahon ko an tawong namomotan mo nin marahay. Dai ka dapat magmondo o magtangis o maghibi.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Ezekiel 24:25

Nagtaram an Kagurangnan, “Ngunyan, aki nin tawo, hahaleon ko sa sainda an pusog na Templo, an saindang kaogmahan asin orgulyo, an nawiwilihan kan saindang mga mata saka kaogmahan kan saindang mga puso. Hahaleon ko man an saindang mga aking lalaki saka babae.

Oseas 6:7

“Alagad pakalaog ninda sa daga duman sa Adan, linapas tolos ninda an tipan.

Mateo 5:28

Alagad ngunyan sinasabihan ko kamo: an maghiling sa sarong babae na may pagmawot na dorogan siya, nagkakasala na nin panambay.

1 Timoteo 2:14

Bakong si Adan an nadaya; an babae an nadaya saka siya an naglapas kan togon nin Dios.

Josue 7:21

Sa mga bagay na samong nasamsam, may nahiling akong magayon na gubing na gibo sa Babilonia, mga duwang kilo nin plata asin sarong barang bulawan na sobra sa kabangang kilo an timbang. Nagustohan ko nin marahay an mga ini kaya kinua ko. Makukua nindo an mga iyan na nakalubong sa daga sa laog kan sakong tolda, na nasa irarom an plata.”

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.

Hukom 14:17

Kaya sa laog kan pitong aldaw nin pyesta, naghihibi sa atubang ni Samson an saiyang agom. Alagad sa ikapitong aldaw, isinabi ni Samson sa babae an simbag kan paokod huli ta dai siya inontokan kaini. Dangan inosip kan babae an simbag sa kapwa niya Filisteo.