Genesis 26:12 - Marahay na Bareta Biblia

¹² Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

Genesis 26:12 Iomraidhean Croise

Genesis 24:1

Gurang nang marahay si Abraham asin benendisyonan siya nin Kagurangnan sa gabos na bagay.

Genesis 24:35

“Benendisyonan nin marahay nin Kagurangnan an sakong kagurangnan kaya siya nagyaman. Tinawan siya nin dakul na karnero, kanding asin baka, plata asin bulawan, mga oripon na babae asin lalaki, mga kamelyo asin asno.

Genesis 25:11

Benendisyonan nin Dios si Isaac na aki ni Abraham pagkagadan kaini. Dangan nag-erok si Isaac sa Beer-lahai-roi.

Genesis 26:29

na dai mo kami gigibohan nin maraot. Nagin marahay kami saimo asin matoninong mi ikang pinahale. Mayong duda na benendisyonan ka nin Kagurangnan.”

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 30:30

Dikit an sadiri mo bago ako mag-abot; ngunyan dakul nang marahay asin benendisyonan ka nin Kagurangnan huli sako. Bako daw panahon na tanganing mangnohon ko man an sakong sadiring pamilya?”

An Libro ni Job 42:12

Benendisyonan nin Kagurangnan an huring kabtang kan buhay ni Job orog pa ki sa naenot. Nagkaigwa si Job nin katorse mil na karnero, seis mil na kamelyo, duwang ribong baka asin sangribong asno.

Salmo 67:6

Itinao kan daga an saiyang bunga; an Dios, an satuyang Dios, an nagbendisyon sato.

Salmo 72:16

An daga magkaigwa logod nin dakul na kakanon; an kabubuldan matahoban logod nin mga tinanom, magin mabunga siring kan sa Lebanon. An mga syudad mapano logod nin tawo, siring sa kaomahan na pano nin doot.

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Parahulit 11:6

Magtanom ka sa aldaw asin man sa banggi, huli ta dai mo nanggad maaaraman kun an gabos na itinanom mo matalubo nin marahay o kun an saro mamumunga nin dakul ki sa saro.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Mateo 13:23

Alagad an mga banhing nakasabwag sa matubang na daga garo idtong mga tawo na nagdadangog asin nakakasabot kan tataramon nin Dios; namumunga nanggad nin dakul, an iba sanggatos, an iba sesenta asin an iba treynta.”

Mateo 13:8

Alagad an ibang banhi nakasabwag sa matubang na daga asin namunga: an iba mananggatos an bunga, an iba sesenta, an iba treynta.”

Markos 4:8

Alagad an ibang banhi nakasabwag sa matabang daga, nabuhay asin namunga: may treynta, sesenta, asin sanggatos.”

1 Corinto 3:6

ako an nagtanom kan banhi, si Apolos an nagbaribi, alagad an Dios iyo an nagpatalubo kan tinanom.