Genesis 24:1 - Marahay na Bareta Biblia

¹ Gurang nang marahay si Abraham asin benendisyonan siya nin Kagurangnan sa gabos na bagay.

Genesis 24:1 Iomraidhean Croise

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 13:2

Mayaman nang marahay si Abram huli ta kadakul na kan saiyang mga hayop, plata asin bulawan.

Genesis 18:11

Gurang na nin marahay si Abraham asin si Sara mala ta ini dai na inaabotan nin regla.

Genesis 21:5

Sanggatos na an edad ni Abraham kan mamundag si Isaac.

Genesis 24:35

“Benendisyonan nin marahay nin Kagurangnan an sakong kagurangnan kaya siya nagyaman. Tinawan siya nin dakul na karnero, kanding asin baka, plata asin bulawan, mga oripon na babae asin lalaki, mga kamelyo asin asno.

Genesis 25:20

Kan kwarenta na an edad ni Isaac, inagom niya si Rebecca, na aking babae ni Betuel, na Arameong taga Mesopotamia, asin tugang na babae ni Laban.

Genesis 26:12

Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

Genesis 49:25

An Dios nin saimong ama iyo an nagtatabang saimo An Makakamhan na Dios an nagbebendisyon saimo; Mga bendisyon nin uran hale sa itaas, Asin nin katubigan sa irarom nin daga, Bendisyon nin mga hayop saka nin mga aki.

1 Mga Hade 1:1

Gurang na nin marahay si Hadeng David, asin maski pirang tamong an itahob sa saiya kan saiyang mga sorogoon dai na siya nahihimbongan.

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Lukas 1:7

Alagad mayo sindang aki huli ta baog si Isabel asin pareho sindang gurang nang marahay.

Galacia 3:9

Nagtubod si Abraham asin benendisyonan siya; kaya an gabos na nagtutubod, benebendisyonan arog saiya.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.