Genesis 22:2 - Marahay na Bareta Biblia

² Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

Genesis 22:2 Iomraidhean Croise

Genesis 17:19

Alagad nagsimbag an Dios, “Dai. Mangangaki nin lalaki si Sara na saimong agom asin ngangaranan mo siyang Isaac. Makikipagtipan ako saiya asin sa saiyang mga kapagarakian sagkod pa man. An tipan na iyan sarong daing kataposan na tipan.

Genesis 21:12

Alagad tinaraman nin Dios si Abraham, “Dai ka maghadit sa aki asin sa oripon mong si Hagar. Gibohon mo sana an ano man na sabihon saimo ni Sara, huli ta ki Isaac ka magkakaigwa kan ipinangako kong mga kapagarakian.

Genesis 21:3

Isaac an inginaran saiya ni Abraham,

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 22:16

asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo.

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Genesis 22:9

Pag-abot ninda sa lugar na itinaram nin Dios, naggibo si Abraham nin sarong altar dangan pinakarahay an mga kahoy sa ibabaw kaini. Pakatapos, ginapos niya si Isaac asin ibinugtak sa altar, sa ibabaw kan mga kahoy.

Genesis 8:20

Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

2 Mga Hade 3:27

Dangan kinua niya an matua niyang aking lalaki, na masalihid saiya bilang hade, saka idinolot bilang sakripisyo sa ibabaw kan kudal. Nagkatarakot an mga Israelita, kaya nagsiribog sinda dangan nagbaralik sa sadiri nindang daga.

2 Mga Cronica 3:1

Itinalaan na ni David, na ama ni Solomon, kun saen itutugdok an Templo. Duman ini itutugdok sa Jerusalem, sa ibabaw kan Bukid nin Moria, saen nagpahiling ki David an Kagurangnan, sa lugar na ginamit ni Arauna na Jebuseo bilang ginikan. Pinonan ni Solomon an pagtugdok kan Templo

Mikas 6:7

Mawiwili daw an Kagurangnan kun darahan ko siya nin rinibong karnero o lana nin oliba na daing ontok sa pagbulos? Idodolot ko daw an matua kong aki tanganing mabayadan an sakong mga kasalan?

Juan 3:16

Huli ta namoot na gayo an Dios sa kinaban kaya itinao niya an saiyang bugtong na Aki, tanganing an siisay man na magtubod saiya dai magadan kundi magkamit nin buhay na daing kataposan.

Roma 5:8

Alagad ipinahiling nin Dios an saiyang dakulang pagkamoot sato kan si Jesus nagadan para sato kan kita mga parakasala pa!

Roma 8:32

Kun dai niya ngani ipinangalad an saiyang sadiring Aki, kundi itinao niya para sato gabos, an gabos na bagay pa daw an dai niya itao sato kaiba kan saiyang Aki?

Hebreyo 11:17

Huli sa pagtubod, idinolot ni Abraham an saiyang aking si Isaac bilang atang, kan baloon siya nin Dios. Maski siya an pinanugaan nin Dios, andam si Abraham na iatang an bugtong niyang aki.

Hukom 11:31

idodolot ko saimo bilang tinutong na atang an enot na tawong magsabat sako hale sa laog kan sakong harong pagbalik ko hale sa kapangganahan.”

Hukom 11:39

Pakalihis nin duwang bulan, nagbalik siya sa saiyang ama. Ginibo ni Jefta saiya an panuga niya sa Kagurangnan. Kaya nagadan na sarong birhen an aki niyang babae. Kaya nagin kaugalean sa Israel