Genesis 22:1 - Marahay na Bareta Biblia

¹ Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.

Genesis 22:1 Iomraidhean Croise

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 21:11

Napurisaw nin marahay si Abraham huli ta aki man niya si Ismael.

Genesis 22:11

Alagad, hale sa langit, inapod siya kan anghel nin Kagurangnan, “Abraham, Abraham!” “Uya ako,” an simbag niya.

Genesis 22:7

nagsabi si Isaac, “Ama ko!” Nagsimbag si Abraham, “Ano saimo, aki ko?” Naghapot si Isaac, “Igwa ka na nin baga asin kahoy, alagad haen an kordero na iaatang?”

Genesis 37:13

Sinabihan ni Jacob si Jose, “Magduman ka sa Shekem, sa mga tugang mong nagpapasabsab kan mga hayop.” Nagsimbag si Jose, “Andam akong magduman.”

Genesis 46:2

Pagkabanggi, inapod siya nin Dios sa sarong bisyon, “Jacob, Jacob!” “Uya ako,” an simbag niya.

2 Samuel 24:1

Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

2 Mga Cronica 32:31

Kan magduman an mga sugo na mga taga Babilonia sa pagsiyasat kan mga nangyayari sa saiyang daga, pinabayaan nin Kagurangnan si Ezekias sa mga palakaw kaini tanganing baloon an hade asin aramon an nasa puso niya.

Salmo 11:5

Binabalo nin Kagurangnan an matanos asin an maraot; anggot siya sa mga namomoot sa dahas.

Exodo 16:4

Nagtaram an Kagurangnan ki Moises, “Papauranan ko kamo nin tinapay hale sa langit. Aroaldaw, maruluwas an mga tawo asin matiripon kan magkakanigong pagkakan ninda sa sarong aldaw. Huli kaini maaaraman ko kun masunod sinda kan sakong mga togon o dai.

Exodo 3:4

Kan mahiling nin Kagurangnan na nagrarani si Moises, nag-apod siya hale sa tahaw kan nagkakalayong tinanom, “Moises! Moises!” “Uya ako,” an simbag ni Moises.

Mga Talinhaga 17:3

Binabalo sa kalayo an bulawan saka an plata, alagad an minabalo kan puso nin tawo iyo an Kagurangnan.

Isaias 6:8

Dangan nadangog kong naghapot an Kagurangnan, “Siisay an sakong susugoon? Siisay an satong magigin sugo?” Nagsimbag ako, “Uya ako! Ako an sugoa.”

1 Corinto 10:13

Anoman na sogot na minaabot saindo, ordinaryo nang minaabot sa tawo. Alagad maimbod an Dios asin dai niya tutugotan na sogotan kamo nin labi pa sa kakayahan nindo. Kun kamo sogotan, papakosogon niya kamo tanganing matagalan nindo iyan asin makakua kamo nin paagi na malusotan iyan.

Deuteronomio 13:3

dai kamo magtubod saiya. Ginagamit siya nin Kagurangnan na saindong Dios sa pagbalo saindo tanganing mahiling niya kun talagang namomotan nindo siya sa bilog nindong puso.

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Hebreyo 11:17

Huli sa pagtubod, idinolot ni Abraham an saiyang aking si Isaac bilang atang, kan baloon siya nin Dios. Maski siya an pinanugaan nin Dios, andam si Abraham na iatang an bugtong niyang aki.

Santiago 2:21

Bakong si Abraham na satong ginikanan nagin matanos, huli kan saiyang mga ginibo, kan idolot niya sa altar si Isaac na saiyang aki?

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.

Hukom 2:22

Gagamiton ko sinda sa pagbalo kun totoong masunod sako an mga Israelitang ini, arog kan saindang mga ginikanan.”

1 Samuel 3:4

nag-apod an Kagurangnan, “Samuel! Samuel!” Nagsimbag siya, “Uya po ako!”