Genesis 2:7 - Marahay na Bareta Biblia

⁷ Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

Genesis 2:7 Iomraidhean Croise

Genesis 1:27

Kaya linalang nin Dios an katawohan siring sa saiyang ladawan; linalang niya sindang lalaki asin babae.

Genesis 2:6

alagad an tubig hale sa irarom kan daga iyo an nakakadumog sa daga.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 3:23

Kaya pinaluwas siya nin Kagurangnan Dios sa tatamnan nin Eden asin pinapag-oma kan daga na ginikanan niya.

Genesis 7:22

An gabos sa kinaban na naghahangos nagkagaradan.

An Libro ni Job 27:3

mantang igwa ako nin buhay, asin an hinangos nin Dios nasa sakong dungo;

An Libro ni Job 33:4

An espiritu nin Dios an naglalang sako asin an hinangos kan Makakamhan an nagtao sako nin buhay.

An Libro ni Job 33:6

Ika asin ako pareho sana sa atubang nin Dios; pareho kitang hinaman hale sa laboy.

An Libro ni Job 4:19

Sa linalang pa daw na hinaman sa laboy, na ginibo sa alpog asin pwedeng maronot arog sa sarong mariposa?

Salmo 100:3

Midbidon mo na an Kagurangnan iyo an Dios! Linalang niya kita, asin sadiri niya; kita an saiyang banwaan, mga karnero na saiyang ataman.

Salmo 103:14

Aram niya kun hale sa ano kita ginibo; romdom niya na kita mga kabokabo.

Mga Talinhaga 20:27

Tinawan kita kan Kagurangnan nin isip saka konsyensya, kaya dai ta madadaya an satong sadiri.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 3:7

panahon nin paggisi, dangan panahon nin pagtahi; panahon nin pag-alo, dangan panahon nin pagtaram;

Isaias 2:22

Dai na kamo magsarig sa mga tawo, huli ta ano an makukua nindo saiya?

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Ezekiel 37:5

Sabihan mo sinda na ako, an Kagurangnan Dios, an nagtataram sainda: Tatawan ko kamo nin hinangos asin mabubuhay kamo.

Ezekiel 37:6

Bubugtakan ko kamo nin mga ugat saka laman asin papatoson ko kamo nin kublit. Tatawan ko kamo nin hinangos asin mabubuhay kamo. Dangan maaaraman nindo na ako an Kagurangnan.”

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Mga Bilang 27:16

“Nakikimaherak ako Kagurangnan Dios, na ginikanan nin buhay, na magpili ka nin sarong lalaki na pwedeng mangenot sa banwaan

Juan 20:22

Pakataram kaini, hinangosan niya sinda saka sinabihan, “Akoa nindo an Espiritu Santo.

Mga Gibo 17:25

Dai man siya nangangaipo nin anoman na bagay na ikakatao nin tawo sa paglingkod saiya, huli ta siya ngani an nagtatao nin buhay saka hinangos, asin nin gabos na bagay sa gabos na tawo.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

1 Corinto 15:45

Nasasabi sa kasuratan, “Si Adan, an enot na tawo, linalang na tinawan nin buhay”; alagad an huring Adan, sarong Espiritu na nagtatao nin buhay.

1 Corinto 15:47

An enot na Adan hale sa daga, linalang sa alpog; an ikaduwang Adan hale sa langit.

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

2 Corinto 5:1

Aram nyato na kun matunaw an erokan ta digdi sa daga na iyo an satong hawak, igwa nin erokan na nagdadanay sagkod lamang na gibo nin Dios, na saiyang tinatagama sato sa kalangitan.

1 Timoteo 2:13

Huli ta enot na linalang si Adan, dangan na si Eva.

Hebreyo 12:9

Dinidisiplina kita kan satong mga ama sa daga kaya ginagalangan ta sinda. Ano pa daw kun kita magpasakop sa Ama na yaon sa langit ngani kitang mabuhay!