Genesis 2:2 - Marahay na Bareta Biblia

² Kan matapos nin Dios an gabos niyang gibo, nagpahingalo siya sa ikapitong aldaw.

Genesis 2:2 Iomraidhean Croise

Genesis 1:31

Nahiling nin Dios na an gabos niyang ginibo orog karahay. Nag-aga dangan naghapon–iyo idto an ikaanom na aldaw.

Genesis 2:3

Kaya benendisyonan niya asin pinabanal an ikapitong aldaw, huli ta sa aldaw na iyan nagpahingalo siya sa gabos niyang gibo nin paglalang.

Exodo 23:12

“Magtrabaho kamo sa laog nin anom na aldaw alagad sa ikapitong aldaw magpahingalo kamo, tanganing makapahingalo man an saindong mga oripon saka an mga dayuhan, dangan mahingaloan man an saindong mga hayop.

Exodo 31:15

Igwa kamong anom na aldaw sa pagtrabaho, alagad an ikapitong aldaw sarong aldaw nin solemning pahingalo, banal para sako. Gagadanon an siisay man na magtrabaho sa aldaw na iyan.

Exodo 31:17

Ini sarong danay na tanda para sako asin para sa banwaan nin Israel, huli ta ako, an Kagurangnan, an naggibo kan langit asin daga sa laog nin anom na aldaw, dangan sa ikapitong aldaw nag-ontok ako sa pagtrabaho asin nagpahingalo.”

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Juan 5:17

Sinabihan sinda ni Jesus, “An sakong Ama nagtatrabaho sagkod ngunyan; siring man ako.”

Deuteronomio 5:14

alagad an ikapitong aldaw, sarong aldaw na pahingalo na talaan para sako. Sa aldaw na iyan, mayo nin siisay man saindo na magtrabaho—kamo, an saindong mga aki, an saindong mga oripon, an saindong mga hayop o an mga dayuhan na nag-eerok sa saindong banwa. Arog sa saindo, kaipuhan magpahingalo man an saindong mga oripon na lalaki saka babae.

Hebreyo 4:10

Huli ta an siisay man na makalaog sa pahingaloan na ipinanuga nin Dios, magpapahingalo man sa trabaho niya arog kan pagpahingalo nin Dios pakatapos kan saiyang paglalang.

Hebreyo 4:4

Huli ta sa Kasuratan may nasasabi dapit kan ikapitong aldaw, “Asin an Dios nagpahingalo sa ikapitong aldaw, kan matapos na an saiyang mga gibo.”