Genesis 16:2 - Marahay na Bareta Biblia

² Kaya sinabihan ni Sarai si Abram, “Dai itinugot nin Kagurangnan na mag-aki ako, alagad uya an sakong babaeng oripon; dorogan mo siya asin tibaad magkaigwa ako nin aki huli saiya.” Nag-oyon si Abram sa sinabi ni Sarai.

Genesis 16:2 Iomraidhean Croise

Genesis 11:30

Alagad baog si Sarai kaya dai siya nagkaaki.

Genesis 17:16

Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”

Genesis 18:10

Nagtaram an Kagurangnan, “Pakalihis nin siyam na bulan, mabalik ako asin magkakaigwa na nin aking lalaki an saimong agom na si Sara.” Nadangog ini ni Sara na naghihimate sa may pintoan kan tolda, sa likodan kan nagtaram.

Genesis 19:31

Nagsabi sa saiyang tugang an matuang aki ni Lot, “Gurang na an satong ama asin mayong lalaki sa dagang ini na pwedeng mag-agom sato tanganing magkaaki kita.

Genesis 20:18

huli ta pinadusahan nin Kagurangnan na dai mangaki an mga babae sa palasyo ni Abimelek huli kan nangyari ki Sara na agom ni Abraham.

Genesis 25:21

Huli ta dai nag-aaki si Rebecca, namibi si Isaac sa Kagurangnan. Sinimbag nin Kagurangnan an pamibi ni Isaac asin nagbados si Rebecca.

Genesis 3:12

Nagsimbag an lalaki, “An babaeng itinao mo tanganing magin kaibahan ko iyo an nagtao sako kan bunga, kaya nagkakan ako.”

Genesis 3:17

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

Genesis 30:22

Dangan nagiromdoman nin Dios si Rachel; sinimbag niya an mga pamibi kaini asin pinapangyaring mag-aki.

Genesis 30:6

Olay ni Rachel, “Hinukoman ako nin Dios. Dinangog niya an sakong mga pamibi asin tinawan niya ako nin aki;” kaya an aki nginaranan niyang Dan.

Salmo 127:3

An mga aki pamanang gikan sa Kagurangnan; sinda tunay na mga biyaya.

Exodo 21:4

Kun tawan siya kan saiyang kagurangnan nin agom asin nagkaigwa siya nin mga aki, an saiyang agom sagkod mga aki pagsadiri kan kagurangnan niya, asin an lalaki solong mahale.

Ruth 4:11

Nagsabi an mga lider asin an gabos na yaon duman, “Mga saksi kami. Gibohon logod nin Kagurangnan na an saimong agom magin arog ki Rachel saka ki Lea, na nagtao nin dakul na aki ki Jacob. Yumaman ka logod sa kamaganakan ni Efrat asin magin bantog sa Betlehem.