Genesis 13:4 - Marahay na Bareta Biblia

⁴ asin pinatindogan niya nin altar. Duman nagsamba si Abram sa Kagurangnan.

Genesis 13:4 Iomraidhean Croise

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 26:25

Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.

Genesis 4:26

Nagkaigwa nin aking lalaki si Set na nginaranan niyang Enos. Sa panahon na iyan, an mga tawo nagpoon nang mag-apod sa ngaran nin Kagurangnan.

Salmo 107:1

“Magpasalamat kamo sa Kagurangnan, huli ta siya marahayon; huli ta an saiyang pagkamoot mayo nin kasagkoran!”

Salmo 107:15

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 107:8

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 116:17

Idodolot ko saimo an sakripisyo nin pasasalamat, asin aapodon ko an ngaran mo.

Salmo 116:2

Dinadangog niya ako, kaya mag-aapod ako saiya sagkod na ako may buhay.

Salmo 145:18

Harani siya sa gabos na minaapod saiya; sa gabos na minaapod saiya nin tudok sa puso.

Salmo 26:8

Namomotan ko an saimong harong, Kagurangnan, an pinag-eerokan kan saimong kamurawayan.

Salmo 84:10

Sarong aldaw sa laog nin saimong mga patyo orog na marahay ki sa sangribong aldaw sa ibang lugar. Papaorogon ko an magtindog sa trangkahan kan harong nin sakong Dios, ki sa mag-erok sa harong nin mga tampalasan.

Isaias 58:9

Kun mamibi kamo, sisimbagon ko kamo. Kun mag-apod kamo sako, masimbag ako. “Kun ontokon nindo an pang-api, an pagmenos sa kapwa, asin an pagtaram nin maraot na tataramon;

Jeremias 29:12

Dangan maapod kamo, madolok saka mamimibi sako, asin dadangogon ko kamo.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato: