Genesis 12:2 - Marahay na Bareta Biblia

² Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 12:2 Iomraidhean Croise

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 17:20

Nadangog ko an saimong pakimaherak manongod ki Ismael, kaya bebendisyonan ko siya asin tatawan nin dakul na aki asin kapagarakian. Magigin ama siya nin doseng prinsipe, asin gigibohon kong sarong dakulang nasyon an saiyang mga kapagarakian.

Genesis 18:18

huli ta aram kong magigin dakula saka makosog siyang nasyon, asin sa paagi niya, bebendisyonan ko an gabos na nasyon sa daga.

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 19:29

Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

Genesis 24:1

Gurang nang marahay si Abraham asin benendisyonan siya nin Kagurangnan sa gabos na bagay.

Genesis 24:35

“Benendisyonan nin marahay nin Kagurangnan an sakong kagurangnan kaya siya nagyaman. Tinawan siya nin dakul na karnero, kanding asin baka, plata asin bulawan, mga oripon na babae asin lalaki, mga kamelyo asin asno.

Genesis 25:11

Benendisyonan nin Dios si Isaac na aki ni Abraham pagkagadan kaini. Dangan nag-erok si Isaac sa Beer-lahai-roi.

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 27:29

Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Genesis 28:14

An saimong mga kapagarakian magigin siring sa alpog nin daga. Papadakulaon ninda an saindang teritoryo sa gabos na direksyon; bebendisyonan ko an gabos na nasyon sa daga sa paagi mo asin sa saimong kapagarakian.

Genesis 35:11

Nagtaram saiya an Dios, “Ako an Makakamhan na Dios. Magkaigwa ka nin dakul na aki. Gigikanan ka nin dakul na nasyon asin sa saimo magikan an mga hade.

Genesis 46:3

Nagtaram an Dios saiya, “Ako an Dios, an Dios kan saimong ama. Dai ka matakot na magduman sa Egipto; gigibohon takang sarong dakulang nasyon duman.

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

1 Mga Hade 1:47

Laen pa kaiyan, nagsarabat an mga opisyal tanganing itao an saindang paggalang sa satuyang mahal na hade na si David. Nagsabi sinda, ‘Gibohon logod kan saimong Dios na an ngaran ni Solomon magin mas bantog ki sa saimong ngaran asin magin mauswag ki sa saimo an saiyang paghahade.’ Dangan nagduko sa pagsamba si Hadeng David mantang nasa saiyang higdaan

An Libro ni Job 35:8

An saimong karatan nakakaraot sa mga kapwa mo tawo, asin an saimong katanosan nakakatabang sa sainda.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Exodo 1:7

Alagad an saindang kapagarakian, an mga Israelita, nagkaigwa nin dakul na mga aki kaya kuminosog sinda asin napano ninda an Egipto.

Exodo 32:10

Kaya hare ako pagpugola huli ta labi-labi an kaanggotan ko sainda asin tutunawon ko sinda. Alagad ika gigibohon kong sarong dakulang nasyon.”

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Zacarias 8:13

Mga taga Juda asin mga taga Israel, kaidto, kun igwa nin boot na maldisyonon an mga dayuhan minasabi sindang, ‘Umabot man logod saimo an parehong maldisyon na uminabot sa Juda asin sa Israel!’ Alagad ililigtas ko kamo, dangan masabi an mga dayuhan na idto, ‘Akoon mo logod an parehong bendisyon na uminabot sa Juda asin sa Israel!’ Kaya magmaisog kamo asin dai kamo matakot.”

Mga Bilang 14:12

Papadarahan ko sinda nin peste. Tutunawon ko sinda asin gigibohon takang ama nin sarong dakulang nasyon na mas makosog ki sa sainda!”

Mga Bilang 22:12

Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 23:20

Pinagbotan ako na magbendisyon, Asin kun an Dios minabendisyon, dai ko iyan maliliwat.

Roma 4:11

An pagkaniserkomsisyonado niya tanda na inako siya nin Dios na matanos huli kan pagtubod niya bago pa siya sinerkomsisyon. An katuyohan iyo na siya an magigin ama kan gabos na nagtutubod sa Dios na inaako nin Dios na matanos, maski dai sinda sinerkomsisyon.

Galacia 3:14

Ginibo ini ni Cristo tanganing an bendisyon na ipinanuga nin Dios ki Abraham ikatao man sa mga pagano huli ki Cristo Jesus; tanganing huli sa pagtubod, kita man makaako kan Espiritu na ipinanuga nin Dios.

Galacia 3:7

Kaya saboton nindo na an mga tawong may pagtubod iyo an tunay na kapagarakian ni Abraham.

Deuteronomio 26:5

Dangan sasabihon nindo ini sa atubang nin Kagurangnan: ‘Sarong paralakaw na Arameo an sakong ama, na nagduman sa Egipto kaiba an saiyang pamilya tanganing mag-erok duman. Kadikit sana sinda na nagduman, alagad nagdakul sinda asin nagin sarong mapangyaring nasyon.