Genesis 11:9 - Marahay na Bareta Biblia

⁹ An syudad nginaranan Babilon, huli ta duman rinibong nin Kagurangnan an lengwahe kan gabos na tawo, asin hale duman iwinarak niya sinda sa bilog na kinaban.

Genesis 11:9 Iomraidhean Croise

Genesis 10:10

Kaayon sa kaenot-enoteng kahadean na sakop niya iyo an Babilon, an Erek, asin an Accad, na gabos yaon sa daga kan Babilonia.

Genesis 10:20

Iyo ini an mga aki ni Ham, na an lambang saro nagin dakulang nasyon na may sadiring daga asin lengwahe.

Genesis 10:25

Duwa an nagin aking lalaki ni Eber—an saro inapod niyang Peleg, huli ta sa panahon kaini nabanga an mga tawo sa daga; asin an ikaduwa, nginaranan niyang Joktan.

Genesis 10:5

Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.

Salmo 55:9

Raota an saindang mga plano, Kagurangnan; libonga an saindang mga pagtaram; huli ta nahihiling ko sa syudad an kadahasan asin karibokan.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

1 Corinto 14:23

Kun magtiripon an simbahan, asin an gabos magtaram sa manlaen-laen na lengwahe, dangan igwa man na maglaog na nagkapirang tagaluwas o bakong paratubod, bakong masabi sindang mga bua kamo?