Genesis 11:4 - Marahay na Bareta Biblia

⁴ Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

Genesis 11:4 Iomraidhean Croise

Genesis 6:4

Sa mga aldaw na idto asin sa mga nagsunod pang panahon, nagkaigwa nin mga higante sa kinaban. An mga ini an nagin aki kan mga aking babae kan mga tawo asin kan mga aki nin Dios; sinda an mga bantog saka makokosog na mga tawo kan enot na panahon.

2 Samuel 8:13

Orog na nagin bantog si David pagbalik niya hale sa panggadan nin dyes y otso mil na mga Edomita sa Kapantayan nin Asin.

Salmo 107:26

Pinatoron an mga barko sagkod sa kalangitan asin ihinulog sa mga kairaroman. Sa siring na pag-alaman, nanruluya an boot kan kalalakihan;

Salmo 92:9

Naaaraman nyamo na magagadan an saimong mga kaiwal, asin madadaog an gabos na maraot.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Jeremias 51:53

Maski pa masakat kan Babilon an langit saka makatugdok duman nin makosog na bantayan, mapadara ako nin mga tawo tanganing raoton iyan. Ako, an Kagurangnan, an nagtaram.”

Daniel 4:11

Nagtalubo an kahoy asin nagin pusog, sagkod na nakaabot iyan sa langit asin pwedeng mahiling kan gabos sa bilog na kinaban.

Daniel 4:22

Mahal na Hade, ika an kahoy, halangkaw asin pusog. Duminakula ka nin marahay kaya nakakaabot sa langit, asin sakop kan saimong kapangyarihan an bilog na kinaban.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Lukas 1:51

Nagpahiling siya nin kosog nin saiyang kamot, winarak niya an mga mapaabaw-abaw sagkod an gabos nindang kaisipan.

Juan 5:44

Paano kamong magtubod na nagpapaoromaw-omaw kamo asin dai nindo hinahanap an kaomawan na hale sa Dios?

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 4:27

Iwawarak kamo nin Kagurangnan sa ibang mga nasyon saen nagkapira sana sa saindo an matatadang buhay.

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.