Genesis 11:3 - Marahay na Bareta Biblia

³ Nag-orolay-olay sinda, “Gumibo kita nin mga ladrilyo asin lutoon ta nin marahay.” Kaya nagkaigwa sinda nin mga ladrilyo embes na gapo asin aspalto embes na semento.

Genesis 11:3 Iomraidhean Croise

Genesis 11:4

Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

Genesis 11:7

Magduman kita asin ribongon ta an saindang lengwahe tanganing dai na sinda magkasinarabotan.”

Genesis 14:10

Sa Kapantayan nin Siddim kadakul an mga kalot na igwang aspalto, kaya kan magdulag sa ralaban an mga hade kan Sodoma asin Gomorra, nahulog sinda duman; alagad an tolong hade nakadulag sa kabubuldan.

2 Samuel 12:31

Pinatrabaho niya an mga tawong taga Rabba na gamit an mga lagadi, mga piko, saka mga patok, asin pinirit sindang maggibo nin mga ladrilyo; iyo man an ginibo ni David sa mga tawo kan ibang mga banwa nin Ammon. Dangan nagbalik sa Jerusalem si David saka an saiyang mga tawohan.

Salmo 64:5

Nagsisinadolan sinda dapit sa mga maraot na gigibohon; pinag-oolayan an pagbugtak nin mga siod na hilom. Olay ninda, “Siisay an makakahiling sato?

Exodo 2:3

Alagad kan dai na niya ini pwedeng itago, kuminua siya nin basket na gibo sa bariw asin linahidan niya nin aspalto tanganing dai laogon nin tubig. Ilinaog niya an saiyang aki sa basket, dangan iwinalat sa tahaw kan mga talahib sa gilid kan salog.

Mga Talinhaga 1:11

Kun magsabi sinda, “Madya, maghipa kita nin tawong magagadan! Maski mayo nin dahelan, salakayon ta an tawong mayo nin kasalan.

Parahulit 2:1

Hiningowa kong paogmahon an sakong sadiri asin aramon kun ano an kaogmahan, alagad namidbid ko na ini mayo man nin halaga.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Isaias 65:3

Daing sopog na pinapaanggot ninda ako. Nagdodolot sinda nin paganong mga sakripisyo sa banal na mga tatamnan asin nagtututong sinda nin mga insenso sa mga paganong altar.

Isaias 9:10

“Nagkagaraba na an mga edipisyong gibo sa ladrilyo, alagad riribayan mi iyan nin gapo. Nagkabarari na an mga kahabaan na sikomoro, alagad riribayan mi iyan nin mga sedro.”

Nahum 3:14

Pagharok nin tubig tanganing makapag-andam para sa sarong pagsalakay, asin pakosoga an saimong mga bantayan! Timaktimaki an laboy tanganing makagibo nin mga ladrilyo, asin andama an mga hormahan kaiyan!

Hebreyo 10:24

Dapat hanapon nyato an paagi kun paano ta madara an satong kapwa sa pagkaminorootan saka sa paggibo nin marahay.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

Santiago 4:13

Hinanyoga nindo ako, kamong mga nagsasabi, “Ngunyan na aldaw o sa aga, maduman kami sa siring na syudad; duman magnenegosyo kami sa laog nin sarong taon saka mapayaman kami.”

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!