Genesis 1:16 - Marahay na Bareta Biblia

¹⁶ Kaya ginibo nin Dios an duwang darakulang ilaw: an aldaw na masakop kan bilog na maghapon asin an bulan na masakop kan bilog na banggi; ginibo man niya an mga bitoon.

Genesis 1:16 Iomraidhean Croise

Genesis 1:15

Magliliwanag an mga ini sa kalangitan tanganing magtao nin liwanag sa daga.” Nangyari ini.

An Libro ni Job 31:26

kun nagsamba ako sa aldaw kan iyan nagsirang, o sa bulan na naghihiro sa kagayonan,

An Libro ni Job 38:7

Kan kaagahon kan aldaw na idto, sarabay na nag-awit an mga bitoon, asin nagkurahaw sa kaogmahan an langitnon na mga linalang.

Salmo 148:3

Omawon nindo siya, aldaw asin bulan; omawon nindo siya, mga bitoon na maliwanag.

Salmo 148:5

Omawon logod ninda an ngaran nin Kagurangnan! Huli ta nagboot siya, asin sinda nalalang.

Salmo 19:6

Minasirang an aldaw sa sarong poro kan kalangitan, dangan minasolnop sa ibong na poro. Mayo nin makakatago sa saiyang init.

Salmo 74:16

Linalang mo an aldaw asin an banggi; ibinugtak mo an aldaw, an bulan saka mga bitoon.

Salmo 8:3

Kun minamasdan ko an kalangitan na saimong ginibo, an bulan asin an mga bitoon na ibinugtak mo sa saindang mga lugar—

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Isaias 24:23

Magdidiklom an bulan, asin dai na maliwanag an aldaw, huli ta an Kagurangnan nin mga hukbo an maghahade sa Jerusalem, sa Bukid nin Sion, asin mahihiling kan mga kamagurangan kan banwaan an saiyang kamurawayan.

Isaias 40:26

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Habakkuk 3:11

Sa kintab kan marikas mong mga bosog asin sa kinang kan saimong nagkikintab na garod, an aldaw saka an bulan dai naghiro.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Mateo 27:45

Pagkaodto, nagdiklom sa bilog na daga sagkod alas tres nin hapon.

1 Corinto 15:41

May sadiring gayon an aldaw, iba an gayon kan bulan, saka iba an gayon kan mga bitoon; dawa an mga bitoon igwa nin manlaen-laen na gayon.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.