Genesis 1:12 - Marahay na Bareta Biblia

¹² Kaya nagtaralubo sa daga an gabos na klase nin tinanom asin kahoy, saka nahiling nin Dios na ini marahay.

Genesis 1:12 Iomraidhean Croise

Genesis 1:11

Dangan nagboot siya, “Magkaigwa sa daga kan gabos na klase nin tinanom na nagtatao nin banhi asin nin kahoy na nagtatao nin bunga.” Nangyari ini.

Genesis 1:13

Nagkahapon dangan nagkaaga: an ikatolong aldaw.

Salmo 104:14

An doot pinapatalubo mo para sa mga baka, an tinanom para sa mga kaipuhan nin tawo, nganing magkaigwa siya nin kakanon hale sa daga,

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Markos 4:28

Kawasa ta an mismong daga an nagpapatalubo sa tanom: enot minatunga an dahon, sunod an uhoy, dangan an mga tipasi.

Lukas 6:44

An lambang kahoy namimidbid sa bunga. Huli ta dai nagbubunga nin bayawas an limonsito o nin ubas an labnig.

2 Corinto 9:10

An Dios, na nagtatao nin banhi sa paratanom saka nin tinapay bilang kakanon, iyo man an matao saindo kan gabos na banhi na kaipuhan nindo. Papataluboon niya iyan, tanganing dakul an magin bunga kan saindong pagkamatinao.

Galacia 6:7

Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.

Hebreyo 6:7

Benebendisyonan nin Dios an daga na minasarumsom kan uran na minahugpa diyan, dangan minatao nin marahay na ani sa mga nagtatanom.