Filemon 1:14 - Marahay na Bareta Biblia

¹⁴ Alagad habo kong piriton kang tabangan ako; kundi mawot kong gibohon mo iyan sa sadiring boot. Kaya dai ako magibo nin anoman kun dai mo oyon.

Filemon 1:14 Iomraidhean Croise

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

1 Corinto 9:17

Kun gibohon ko ini sa sadiri ko sanang kabotan, maglalaom akong bayadan; alagad ginigibo ko ini bilang pag-otob sa katongdan na itinao sako nin Dios.

1 Corinto 9:7

Siisay an soldados na iyo mismo an nagbabayad kan sadiri niyang gasto sa hukbo? Siisay an paratanom na dai nagkakakan kan ubas sa sadiri niyang ubasan? Siisay an pastor na dai nagkikinabang kan gatas na hale sa sadiri niyang karnero?

2 Corinto 1:24

Dai kami nagdidikta saindo kun ano an dapat nindong tubodon, huli ta aram ming masarig an tindog nindo sa pagtubod. Kundi naglilingkod kami para sa saindo man sanang kaogmahan.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

2 Corinto 9:5

Naisipan kong paenoton sako na magdiyan saindo ining mga tugang sa pag-andam kan limos na ipinanuga nindo, tanganing andam na iyan pag-abot ko. Magpapahiling iyan na talagang tudok sa boot nindo an pagtao, bakong napiritan sana kamo.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.