Exodo 9:6 - Marahay na Bareta Biblia

⁶ Sunod na aldaw, ginibo nin Kagurangnan an saiyang itinaram, kaya nagkagaradan an gabos na hayop kan mga Egipcio alagad mayong nagadan maski saro sa mga hayop kan mga Israelita.

Exodo 9:6 Iomraidhean Croise

Salmo 78:48

Ginadan niya an saindang mga baka huli sa uran nin yelo; an saindang mga hayop huli sa kikilat.

Salmo 78:50

Dai niya pinugol an saiyang kaanggotan; dai niya ilinigtas an saindang buhay, kundi huli sa peste, sinda saiyang ginadan.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Exodo 12:29

Kan matangang banggi, ginadan nin Kagurangnan an gabos na matuang lalaki sa Egipto, magpoon sa matua kan hade na magmamana kan trono, sagkod sa matua kan bilanggo na nasa bilanggoan; ginadan man niya an gabos na matua kan mga hayop.

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Exodo 9:25

Naghugpa an yelo sa bilog na daga nin Egipto asin nagkagaradan an dai nakasirong na mga hayop saka tawo. Nagkararaot man an mga tinanom asin nagkabarare an mga kahoy.

Exodo 9:26

An rehiyon nin Goshen, na pinag-eerokan kan mga Israelita, iyo sana an lugar na dai hinugpaan nin yelo.

Exodo 9:4

Lalaenon ko an mga hayop kan mga Israelita sa mga hayop kan mga Egipcio tanganing mayong magadan sa mga hayop na sadiri kan mga Israelita.

Exodo 9:5

Ako, an Kagurangnan, nagtatalaan kan oras: sa aga gigibohon ko ini.’”