Exodo 8:8 - Marahay na Bareta Biblia

⁸ Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Exodo 8:8 Iomraidhean Croise

1 Mga Hade 13:6

Nagsabi si Hadeng Jeroboam sa propeta, “Ipakimaherak mo ako sa Kagurangnan na saimong Dios, asin ipamibi na maomayan an sakong takyag!” Nakimaherak sa Kagurangnan an propeta asin naomayan an takyag kan hade.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Exodo 10:16

Ipinaapod tolos kan hade si Moises saka si Aaron asin sinabihan, “Nagkasala ako sa Kagurangnan na saindong Dios siring man sa saindo.

Exodo 10:17

Patawada ako ngunyan na sana sa pagkakasala kong ini asin ipamibi mo ako sa Kagurangnan na saindong Dios na haleon sako an magabat na padusang ini.”

Exodo 10:18

Binayaan ni Moises an hade dangan namibi sa Kagurangnan.

Exodo 14:5

Kan masabihan an hade kan Egipto na nagdulag an mga Israelita, nagbago nin isip an hade, asin an saiyang mga opisyal. Nagsarabi sinda, “Ano ining ginibo ta? Pinabayaan tang makahale an mga Israelita asin ngunyan nawaraan logod kita nin mga oripon.”

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:29

Nagsimbag si Moises, “Pakahale ko digdi, mamimibi ako sa Kagurangnan tanganing sa aga magharale an mga langaw sa saimo, sa saimong mga opisyal sagkod sa saimong mga nasasakopan. Alagad dai mo na nanggad kami pagdayaon asin dai mo na pag-olangon an mga tawo sa pag-atang sa Kagurangnan.”

Exodo 8:32

Alagad nagmatagas na naman an hade, asin dai tinugotan na humale an mga tawo.

Exodo 8:9

Nagsimbag si Moises, “Ikakaogma kong maaraman kun nuarin taka ipapamibi, ika, an saimong mga opisyal sagkod an saimong mga nasasakopan. Dangan mawawara an mga talapang asin mayong matatada kundi an mga yaon sa Salog nin Nilo.”

Exodo 9:27

Ipinaapod kan hade si Moises saka si Aaron asin sinabihan, “Ngunyan nagkasala ako, an Kagurangnan iyo an tama. Ako asin an sakong banwaan an sala.

Exodo 9:28

Mamibi kamo sa Kagurangnan huli ta dai mi na matitios ining pagdaguldol asin pag-uran nin yelo. Nanunuga ako na papahaleon ko na kamo; asin dai na kamo maghahaloy digdi.”

Exodo 9:33

Binayaan ni Moises an hade; nagduman siya sa luwas kan syudad, asin itinaas an saiyang mga kamot sa pagpamibi sa Kagurangnan. Dangan nag-ontok an daguldol, an yelo asin an uran.

Mga Bilang 21:7

Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Mga Gibo 8:24

Nagsabi si Simon ki Pedro saka ki Juan, “Pamibian man ako sa Kagurangnan, tanganing dai mangyari sako an arin man sa mga sinabi nindo.”

1 Samuel 12:19

Nagsarabi sinda ki Samuel, “Pamibian man kami sa Kagurangnan na saimong Dios tanganing dai kami magkagaradan. Aram mi na ngunyan, na idinagdag mi pa sa gabos ming kasalan an karatan na ini, kan maghagad kami nin sarong hade.”