Exodo 8:10 - Marahay na Bareta Biblia

¹⁰ Nagsimbag an hade, “Ipamibi mo ako sa aga.” Nagsabi si Moises, “Gigibohon ko an hinahagad mo tanganing maaraman mo na mayo nin ibang dios na arog sa Kagurangnan, na samong Dios.

Exodo 8:10 Iomraidhean Croise

2 Samuel 7:22

Kaya dakula ka nin marahay, O Kagurangnan Dios; huli ta mayo nin makakaarog saimo; danay ming aram na ika sana an Dios.

1 Mga Cronica 17:20

Mayo nin makakaarog saimo, O Kagurangnan; danay ming aram na ika sana an Dios.

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Salmo 86:8

Sa mga dios mayo nin arog saimo, Kagurangnan; mayong gibo na makakaarog sa saimong mga gibo.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 8:9

Nagsimbag si Moises, “Ikakaogma kong maaraman kun nuarin taka ipapamibi, ika, an saimong mga opisyal sagkod an saimong mga nasasakopan. Dangan mawawara an mga talapang asin mayong matatada kundi an mga yaon sa Salog nin Nilo.”

Exodo 9:14

Ngunyan, bako sana an saimong mga opisyal saka mga nasasakopan an papadusahan ko, kundi sagkod ika, tanganing maaraman mo na mayo nin makakaarog sa sako sa bilog na kinaban.

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Isaias 40:18

Sa kiisay nindo ikakabaing an Dios? Paano nindo ilaladawan kun ano siya?

Isaias 40:25

Sa kiisay pwedeng ikabaing an Dios? Igwa daw nin makakaarog saiya?

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Deuteronomio 3:24

‘O Kagurangnan Dios, aram kong an ipinahiling mo sako iyo pa sana an kapinonan kan mga darakula asin makangangalas na mga bagay na gigibohon mo. Mayo nin dios sa langit asin sa daga na makakagibo kan mga ginibo mo.

Deuteronomio 32:31

Naaaraman kan saindang mga kaiwal na maluya an saindang mga dios, bakong arog kakosog kan Dios nin Israel.

Deuteronomio 33:26

O Israel, daing kabaing an saindong Dios, na nakasakay sa panganoron; sa kamurawayan, minahilig siya hale sa langit tanganing kamo tabangan.

Deuteronomio 4:35

Ipinahiling ini nin Kagurangnan saindo tanganing patotoohan saindo na siya sana an Dios asin mayo nang iba.

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Santiago 4:14

Dai ngani nindo aram kun ano an mangyayari sa buhay nindo sa aga! An buhay nindo garo sana alopoop na minatunga sa kadikit na oras dangan napapara.