Exodo 7:5 - Marahay na Bareta Biblia

⁵ Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Exodo 7:5 Iomraidhean Croise

Salmo 138:7

Maski ako maglakaw sa tahaw nin kasakitan, iniingatan mo an sakong buhay; linalabanan mo an mga anggot kong kaiwal, asin iliniligtas mo ako huli kan saimong kapangyarihan.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 10:2

siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Exodo 10:7

Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Exodo 14:18

Sa oras na madaog ko sinda, maaaraman kan mga Egipcio na ako an Kagurangnan.”

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 18:8

Ibinareta ni Moises ki Jetro an gabos na ginibo nin Kagurangnan sa hade asin sa mga Egipcio tanganing iligtas an mga Israelita. Inistorya man niya an kapagalan na namatean ninda sa paglakaw asin kun paano sinda tinabangan nin Kagurangnan.

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 7:17

Kaya ini an itinaram nin Kagurangnan tanganing maaraman mo kun siisay siya huli sa gigibohon niya. Hilinga, papakulon ko kan sugkod na ini an Salog nin Nilo asin an tubig magigin dugo.

Exodo 8:10

Nagsimbag an hade, “Ipamibi mo ako sa aga.” Nagsabi si Moises, “Gigibohon ko an hinahagad mo tanganing maaraman mo na mayo nin ibang dios na arog sa Kagurangnan, na samong Dios.

Exodo 8:19

Nagsabi sa hade an mga salamangkero, “An Dios an kaggibo kaini!” Alagad nagmatagas an hade asin dai niya dinangog si Moises saka si Aaron sosog sa itinaram nin Kagurangnan.

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Ezekiel 25:17

Papadusahan ko sinda nin makuri asin mabalos ako sainda. Mamamatean ninda an sakong kaanggotan. Dangan maaaraman ninda na ako an Kagurangnan.”

Ezekiel 28:22

Sabihan mo an mga tawo duman na iyo ini an itinataram ko, an Kagurangnan Dios: Kalaban taka, Sidon; oomawon ako kan ibang banwaan huli kan gigibohon ko saimo. Maaaraman ninda na ako an Kagurangnan kun ipahiling ko nang banal ako huli sa pagpadusa ko sa mga nag-eerok diyan saimo.

Ezekiel 32:15

Kun pamondoon ko na an Egipto asin gadanon ko na an gabos na nag-eerok diyan, maaaraman ninda na ako an Kagurangnan.

Ezekiel 36:23

Kun ipahiling ko na sa mga nasyon an kabanalan kan dakula kong ngaran, an ngaran na dinigtaan nindo sa tahaw ninda, dangan maaaraman ninda na ako an Kagurangnan. Ako, an Kagurangnan Dios, an nagtaram. Gagamiton ko kamo tanganing ipahiling sa mga nasyon na ako banal.

Ezekiel 39:22

Magpoon sa aldaw na iyan, maaaraman kan mga Israelita na ako an Kagurangnan na saindang Dios.

Ezekiel 39:7

Ipapamidbid ko an banal kong ngaran sa banwaan nin Israel, asin dai ko tutugotan na madigtaan pa iyan. Dangan maaaraman kan mga nasyon na ako, an Kagurangnan, iyo an banal na Dios nin Israel.”