Exodo 7:3 - Marahay na Bareta Biblia

³ Alagad papatagason ko an puso kan hade tanganing maski dakul na makangingirhat na bagay an gibohon ko sa Egipto, dai siya madangog saimo.

Exodo 7:3 Iomraidhean Croise

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Salmo 135:9

Mga milagro saka ngangalasan ginibo niya duman, tanganing padusahan an hade asin an gabos na opisyal kaini.

Salmo 78:12

Sa atubang kan saindang mga ginikanan, ginibo nin Dios an saiyang mga ngangalasan sa Egipto, sa kapatagan nin Zoan.

Exodo 11:10

Ginibo ni Moises saka ni Aaron an mga ngangalasan na ini sa atubang kan hade, alagad pinatagas nin Kagurangnan an puso kan hade kaya dai niya tinugotan na humale sa saiyang daga an mga Israelita.

Exodo 11:9

Tinaraman nin Kagurangnan si Moises, “Dai ka dadangogon kan hade tanganing ikapahiling ko sa Egipto an dakul pang ngangalasan.”

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 4:29

Kaya si Moises asin si Aaron nagpasiring sa Egipto dangan tinipon ninda an gabos na lider kan Israel.

Exodo 4:7

“Laogan giraray an saimong kamot,” pasunod nin Dios ki Moises. Ilinaog niya ini asin kan iluwas niya giraray, an saiyang kamot mayo nang daot.

Exodo 7:13

Maski siring, padagos na nagmatagas an hade, asin habong magdangog ki Moises dangan ki Aaron sosog sa itinaram nin Kagurangnan.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Mikas 7:15

Maggibo ka nin mga milagro para sa samo, “Kagurangnan, Kagurangnan siring kan ginibo mo kaidto kan iluwas mo kami sa Egipto.

Juan 4:48

Sinabihan siya ni Jesus, “Kun dai kamo makahiling nin mga tanda asin mga ngangalasan dai kamo matubod.”

Mga Gibo 2:22

“Mga Israelita, hinanyoga nindo an mga tataramon na ini! Si Jesus na taga Nazaret sinugo nin Dios. Pinatunayan iyan sa paagi nin mga dakulang gibo, mga milagro, saka mga tanda na ginibo nin Dios sa tahaw nindo huli saiya. Aram nindo ini huli ta yaon kamo kan mangyari ini.

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Roma 15:19

kapangyarihan nin mga milagro saka ngangalasan, asin kapangyarihan kan Espiritu nin Dios. Kaya ipinaghulit ko na an Marahay na Bareta dapit ki Cristo poon sa Jerusalem sagkod sa Ilirico.

Roma 9:18

Kaya maheherakan niya an boot niyang maherakan; papatagason niya an puso kan boot niyang patagason.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 7:19

Nahiling nindo an mga makangirhat na peste, mga tanda saka mga ngangalasan; an dakulang kapangyarihan asin kosog na ginamit nin Kagurangnan na saindong Dios sa pagligtas saindo. Arog man kaiyan an saiyang gigibohon sa mga banwaan na natatakotan nindo.