Exodo 7:19 - Marahay na Bareta Biblia

¹⁹ Nagtaram an Kagurangnan ki Moises, “Sabihan mo si Aaron na kuahon an saiyang sugkod asin unaton an saiyang kamot sa tangod kan katubigan kan Egipto, sa ibabaw kan saindang mga salog, kanal asin sapa. An tubig magigin dugo; magkakaigwa nin dugo sa bilog na daga sagkod sa mga tapayan asin batya.”

Exodo 7:19 Iomraidhean Croise

Genesis 1:10

An mamarang kadagaan inapod niyang “Daga,” asin an nagkatiripon na katubigan inapod niyang “Dagat.” Nahiling nin Dios na ini marahay.

2 Mga Hade 4:29

Sinabihan ni Eliseo si Gehazi, “Paghidali! Daraha an sugkod ko asin lakaw. Kun may masabat ka, dai ka mag-ontok tanganing komustahon siya; kun may magkomusta saimo, dai mo siya pagsimbagon. Ibugtak mo an sakong sugkod sa lalawogon kan aki.”

Exodo 10:12

Dangan nagtaram an Kagurangnan ki Moises, “Unata paitaas an saimong kamot tanganing dumagsa an mga doron sa daga nin Egipto, asin uboson an gabos na tinanom na natada kan uran nin yelo.

Exodo 10:21

Nagtaram an Kagurangnan ki Moises, “Unata paitaas an saimong kamot tanganing magkaigwa nin mahibog na kadikloman na matahob kan daga nin Egipto, sarong kadikloman na mamamatean kan gabos.”

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Exodo 14:21

Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Exodo 14:26

Dangan nagtaram an Kagurangnan ki Moises, “Unata an saimong kamot sa tangod kan dagat tanganing matahoban kan tubig an mga Egipcio, an saindang mga karwahe asin an mga lunad kaiyan.”

Exodo 4:9

Kun habo pa nanggad sindang magtubod sa duwang ngangalasan na ini asin habong magdangog saimo, kumua ka nin tubig sa Salog nin Nilo asin iula mo sa mamarang daga. An tubig magigin dugo.”

Exodo 8:16

Nagtaram an Kagurangnan ki Moises, “Sabihan mo si Aaron na pakolon kan saiyang sugkod an daga, asin an alpog sa bilog na Egipto magigin mga noknok.”

Exodo 9:33

Binayaan ni Moises an hade; nagduman siya sa luwas kan syudad, asin itinaas an saiyang mga kamot sa pagpamibi sa Kagurangnan. Dangan nag-ontok an daguldol, an yelo asin an uran.

Isaias 19:10

an mga parahabol saka an saindang mga katabang mawawaraan nin hanapbuhay asin magmomondo.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Habakkuk 3:8

An mga salog daw an dahelan kan pagkaanggot mo, Kagurangnan? An dagat daw an dahelan kan saimong labi-labing kaanggotan? Naglunad ka sa mga panganoron; an panganoron nin bagyo an saimong karwahe, kan darahan mo nin kapangganahan an saimong banwaan.