Exodo 7:11 - Marahay na Bareta Biblia

¹¹ Dangan ipinaapod kan hade an mga tawong madodonong asin an mga salamangkero kan Egipto, na huli kan saindang tagong kadonongan naarog ninda an ginibo ni Aaron.

Exodo 7:11 Iomraidhean Croise

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

Exodo 7:12

Itinapok kan lambang saro sainda an saiyang sugkod asin nagin halas man an mga ini. Alagad hinalon kan sugkod ni Aaron an mga sugkod ninda.

Exodo 7:22

Alagad sa paagi kan saindang tagong kadonongan ginibo man kan mga salamangkero kan hade an ginibo ni Aaron kaya orog na nagmatagas an hade saka habong magdangog ki Moises asin ki Aaron sosog sa itinaram nin Kagurangnan.

Exodo 8:18

Nagbalo an mga salamangkero na magpaluwas nin mga noknok alagad mayo sindang naginibo. Maski saen igwa nin noknok.

Exodo 8:3

An Salog nin Nilo mapapano nin mga talapang na maharawas sa tubig, asin maralaog sa saimong palasyo, sa saimong kwarto saka higdaan, sa mga harong kan saimong mga opisyal saka kan mga Egipcio. Lalawogon man ninda maski an saindong mga horno sagkod mga pinaglulutoan.

Exodo 8:7

Alagad ginamit kan mga salamangkero an saindang tagong kadonongan, asin nagpaluwas man sinda nin mga talapang.

Daniel 2:2

Kaya ipinaapod niya an mga parahula, mga salamangkero asin mga madonong tanganing ipaliwanag ninda saiya an pangatorogan. Kan mag-atubang sinda sa hade,

Daniel 2:27

Nagsimbag si Daniel, “Mahal na Hade, mayo nin madonong, salamangkero, parahula, o astrologo na makakapagsabi saimo kaiyan.

Daniel 4:6

Kaya nagboot akong iatubang sako an gabos na parahatol kan hade sa Babilon tanganing ipaaram sako an kahulogan kan pangatorogan.

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Mateo 24:24

Huli ta madatong an mga bakong tunay na Cristo asin an mga bakong tunay na propeta. Magibo sinda nin mga darakulang tanda saka mga ngangalasan tanganing mapatubod ninda an mga tawo, kun posible sagkod an mga tawong pinili nin Dios.

Galacia 3:1

Mga lolong na taga Galacia! Siisay an nakalumay saindo? Malinaw na ipinahayag saindo an pagkagadan ni Jesu-Cristo sa krus!

Efeso 4:14

Dangan bako na kitang arog kan mga aking sadit na madaling ianod saka ipadpad kan katukdoan kan mga tusong tawo na minakabit sa iba sa salang dalan sa paagi kan saindang mga pagdaya asin pagputik.

2 Tesalonica 2:9

An Maraot madigdi na may kapangyarihan ni Satanas dangan maggigibo nin manlaen-laen na bakong tunay na mga milagro saka mga ngangalasan.

2 Timoteo 3:8

Siring na si Janes saka si Jambres nagtumang ki Moises, an mga tawong ini minasalungat man sa katotoohan—mga tawong maati an isip, asin bakong tunay an pagtubod.

2 Timoteo 3:9

Alagad dai sinda makakapadagos kan ginigibo nindang maraot, huli ta masusudya kan gabos an saindang kalolongan, arog man kan nangyari ki Janes saka ki Jambres.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

1 Samuel 6:2

Inarapod kan mga tawo an mga padi asin an mga salamangkero dangan hinarapot, “Ano an satong gigibohon sa Kaban nin Tipan nin Kagurangnan? Kun ibalik ta iyan sa dating lugar, ano an dapat tang ipadara kaiba kaiyan?”