Exodo 6:6 - Marahay na Bareta Biblia

⁶ Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 6:6 Iomraidhean Croise

2 Mga Hade 17:36

Kuyogon nindo ako, an Kagurangnan, na nagluwas saindo hale sa Egipto sa dakulang kapangyarihan asin kosog; magduko kamo sako asin magdolot nin atang.

1 Mga Cronica 17:21

Mayo nin ibang nasyon sa kinaban arog kan Israel, na ilinigtas mo sa kaoripnan tanganing gibohon na sadiri mong banwaan. An mga darakula asin makangangalas na mga bagay na ginibo mo para sainda nakapabantog saimo sa bilog na kinaban. Ilinigtas mo sa Egipto an Israel, saka pinalayas mo an ibang mga nasyon mantang nagdadangadang an saimong banwaan.

Nehemias 1:10

“Kagurangnan, sinda an saimong mga sorogoon asin banwaan na tinubos kan saimong dakulang kapangyarihan saka kosog.

Salmo 77:16

Kan nahiling ka kan mga tubig, O Dios, sinda nagkatarakot, asin an mga kairaroman nagtarakig.

Salmo 81:11

“Alagad habong magdangog sako an sakong banwaan; habo akong kuyogon nin Israel.

Salmo 81:6

“Hinale ko an gabat sa saindong abaga; pinapahingalo ko an saindong mga kamot sa pagbitbit kan basket.

Salmo 81:7

Kan kamo nasa kahorasaan, inapod nindo ako asin ilinigtas ko kamo. Hale sa pinagtatagoan kong daguldol, sinimbag ko kamo. Binalo ko kamo duman sa mga burabod nin Meriba.

Exodo 1:11

Kaya nagbugtak sinda nin mga makuring parapamahala tanganing pasakitan an mga Israelita sa paagi nin mga magabat na trabaho. Ipinatugdok sa sainda kan hade an Pitom asin Rameses, mga syudad na sarayan kan mga pagkakan asin kagamitan.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:16

Ini arog sa sarong bagay na nakagakod sa samong kamot o sa samong angog; magpapagiromdom ini samo na ilinuwas kami nin Kagurangnan sa Egipto huli kan saiyang dakulang kapangyarihan.’”

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 15:13

Maimbod sa panuga, nangenot ka sa mga tawong saimong ilinigtas; sinda inantabayan mo kan saimong kosog pasiring sa saimong banal na daga.

Exodo 16:6

Kaya sinabihan ni Moises saka ni Aaron an mga Israelita, “Ngunyan na banggi maaaraman nindo na an Kagurangnan an nagluwas saindo sa Egipto.

Exodo 18:1

Nabaretaan ni Jetro, na panugangan ni Moises asin padi sa Midian, an mga ginibo nin Dios para ki Moises asin sa mga Israelita kan iluwas niya sinda sa Egipto.

Exodo 2:11

Kan soltero na si Moises, dinalaw niya an kapwa niya mga Hebreyo, asin nahiling niyang pinapasakitan sinda sa paagi nin magagabat na trabaho. Nahiling pa niya kan pinapakol nin sarong Egipcio an sarong kapwa niya Hebreyo.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 6:2

Nagtaram an Dios ki Moises, “Ako an Kagurangnan.

Exodo 6:29

ini an sinabi niya, “Ako an Kagurangnan. Sabihi an hade kan gabos na itinaram ko saimo.”

Exodo 6:8

Dadarahon ko kamo sa dagang ipinanuga ko ki Abraham, ki Isaac, asin ki Jacob; itatao ko iyan saindo bilang saindong sadiring rogaring. Ako an Kagurangnan.’”

Exodo 7:4

Dangan uunaton ko an sakong kamot tanganing padusahan nin makuri an bilog na Egipto asin hahaleon ko duman an mga Israelita na sakong banwaan.

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 21:5

Lalabanan taka sa bilog kong kosog, kaanggotan asin makuring kabangisan.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 32:21

Sa paagi nin mga tanda saka ngangalasan na natakotan kan samong mga kaiwal, ginamit mo an saimong kapangyarihan saka kosog tanganing iluwas sa Egipto an saimong banwaan.

Ezekiel 20:33

“Siring na ako an Kagurangnan Dios na buhay, pinapatanidan ko kamo na sa sakong kaanggotan, gagamitan ko kamo nin makosog asin nakaunat na kamot sa sakong paghahade.

Mga Gibo 13:17

An Dios kan mga Israelita iyo an nagpili sa satong mga ginikanan. Pinadakul niya an mga Israelita kan panahon na sinda nag-erok sa Egipto. Dangan kinua sinda nin Dios sa Egipto sa paagi kan saiyang dakulang kapangyarihan.

Deuteronomio 11:2

Giromdoma nindo ngunyan an nanodan nindo manongod sa Kagurangnan, huli sa mga nangyari saindo. Kamo asin bako an saindong mga aki an nag-agi kan siring na mga eksperyensya. Nahiling nindo an kadakulaan nin Kagurangnan, an saiyang kapangyarihan asin kosog,

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

Deuteronomio 26:8

Huli kan saiyang dakulang kapangyarihan saka kosog, asin huli kan dakul na ngangalasan saka mangirhat na mga bagay na saiyang ginibo, ilinuwas niya kami sa Egipto.

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 5:15

Giromdoma nindo na mga oripon kamo duman sa Egipto, asin ako, an Kagurangnan na saindong Dios, an nagligtas saindo huli kan sakong dakulang kapangyarihan saka kosog. Kaya ipinagboboot ko saindo na giromdomon nindo an Sabbath.

Deuteronomio 6:12

magmaan kamo ta tibaad malingaw kamo sa Kagurangnan na nagligtas saindo sa Egipto, saen kamo nagin mga oripon.

Deuteronomio 7:19

Nahiling nindo an mga makangirhat na peste, mga tanda saka mga ngangalasan; an dakulang kapangyarihan asin kosog na ginamit nin Kagurangnan na saindong Dios sa pagligtas saindo. Arog man kaiyan an saiyang gigibohon sa mga banwaan na natatakotan nindo.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’