Exodo 6:4 - Marahay na Bareta Biblia

⁴ Nakipagtipan man ako sa sainda, nanuga na itatao sainda an Canaan, an dagang pinag-erokan ninda kaidto bilang mga dayuhan.

Exodo 6:4 Iomraidhean Croise

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 15:13

Dangan nagtaram saiya an Kagurangnan, “An saimong mga kapagarakian magigin mga dayuhan sa bako nindang daga, magigin mga oripon duman asin pag-aapihon sa laog nin kwatro syentos na taon.

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

Genesis 17:13

Kaipuhan serkomsisyonon an lambang saro; an tanda na ini sa saindong hawak iyo an magpapatotoo kan satong daing kataposan na tipan.

Genesis 17:4

“Uya, makikipagtipan ako saimo: nangangako ako na ika an gigikanan nin dakul na nasyon.

Genesis 23:4

“Dayuhan ako digdi na nakikihimanwa sa saindo; pabakalan nindo ako nin daga tanganing ikalubong ko an sakong agom.”

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 28:4

Itao logod saimo asin sa saimong mga kapagarakian an bendisyon ni Abraham tanganing masadirihan mo ining daga na pinag-eerokan mo, na itinao nin Dios ki Abraham.”

Genesis 6:18

alagad makikipagtipan ako saimo. Lumaog ka sa arka kaiba an saimong agom, an mga aki mong lalaki asin an saindang mga agom.

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

Salmo 105:11

Nagtaram siya, “Itatao ko saimo an daga nin Canaan, bilang sadiri mong kahirasan.”

Salmo 105:12

An banwaan nin Dios dikit pa sana kaidto sa bilang, sinda mga dayuhan sa daga nin Canaan.

Exodo 13:4

Naghahale kamo sa Egipto sa aldaw na ini, sa enot na bulan, an bulan nin Abib.

Exodo 13:5

Nanuga an Kagurangnan sa saindong mga ginikanan na itatao niya saindo an daga kan mga Cananeo, Heteo, Amoreo, Heveo asin mga Jebuseo. Kun darahon na niya kamo duman sa dagang mayaman sa gabos na bagay, gibohon nindo ining pyesta sa enot na bulan kan lambang taon.

Exodo 6:8

Dadarahon ko kamo sa dagang ipinanuga ko ki Abraham, ki Isaac, asin ki Jacob; itatao ko iyan saindo bilang saindong sadiring rogaring. Ako an Kagurangnan.’”

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Mga Bilang 10:29

Sinabihan ni Moises an saiyang bayaw na si Hobab na aki kan panugangan niyang si Jetro na Midianita, “Maduman na kami sa lugar na ipinanugang itatao samo nin Kagurangnan. Nanuga siya na tatawan nin mauswag na pamumuhay an Israel kaya umiba ka samo asin hihirasan mi ika kan biyayang samong makakamtan.”

Mga Gibo 7:5

Dai tinawan nin Dios si Abraham nin kahirasan sa dagang ini, maski sarong metro kwadrado, alagad nanuga na itatao ini saiya asin sa kapagarakian niya maski mayo pa siya nin aki.