Exodo 6:3 - Marahay na Bareta Biblia

³ Nagpahiling ako ki Abraham, ki Isaac, asin ki Jacob bilang Dios na makakamhan sa gabos, alagad dai ako nagpamidbid sa sainda sa banal kong ngaran na Kagurangnan.

Exodo 6:3 Iomraidhean Croise

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 22:14

Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”

Genesis 28:3

Bendisyonan logod kan Makakamhan na Dios an saimong pag-agom; tawan ka niya logod nin dakul na aki, tanganing magin ama ka nin dakul na nasyon!

Genesis 35:11

Nagtaram saiya an Dios, “Ako an Makakamhan na Dios. Magkaigwa ka nin dakul na aki. Gigikanan ka nin dakul na nasyon asin sa saimo magikan an mga hade.

Genesis 48:3

Sinabihan ni Jacob si Jose, “Nagpahiling sako an Makakamhan na Dios duman sa Luz, sa daga nin Canaan asin benendisyonan ako.

Salmo 68:4

Mag-awit sa Dios, mag-awit nin pag-omaw sa saiyang ngaran. Andamon an dalan para sa naglulunad sa mga panganoron. Kagurangnan an saiyang ngaran, mag-ogma sa saiyang atubang!

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Exodo 15:3

An Kagurangnan sarong paralaban; Kagurangnan an saiyang ngaran.

Exodo 23:21

Magdangog kamo saiya asin magsunod sa gabos niyang sasabihon. Dai nindo siya pagkontrahon huli ta sugo ko siya, asin dai niya papatawadon an saindong pagkakasala.

Exodo 3:14

Nagtaram an Dios, “AKO IYO AKO. Sabihan mo sinda: ‘An inaapod na IYO AKO an nagsugo sako sa saindo.’

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Jeremias 16:21

“Kaya,” an sabi nin Kagurangnan, “ngunyan asin sagkod lamang ipapaaram ko sa mga nasyon an sakong kapangyarihan asin an sakong kosog; maaaraman ninda na ako an Kagurangnan.”

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

Ezekiel 20:5

Sabihan mo sinda kan itinataram ko. Kan pilion ko an Israel, nanuga ako sainda. Nagpamidbid ako sainda sa Egipto asin tinaraman ko sinda: Ako an Kagurangnan na saindong Dios.

Ezekiel 37:13

Kun bukasan ko na an mga lulubngan na namumugtakan kan sakuyang banwaan, dangan iluwas ko na sinda, maaaraman ninda na ako an Kagurangnan.

Ezekiel 37:6

Bubugtakan ko kamo nin mga ugat saka laman asin papatoson ko kamo nin kublit. Tatawan ko kamo nin hinangos asin mabubuhay kamo. Dangan maaaraman nindo na ako an Kagurangnan.”

Juan 8:58

Nagsimbag si Jesus, “Sa katotoohan sinasabihan ko kamo, na bago namundag si Abraham, ‘Ako iyo na’.”

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Ruth 1:20

“Dai nindo ako pag-apodon Naomi,” an simbag niya. “Apodon nindo akong Mara huli ta an sakong buhay ginibong mapait kan Makakamhan na Dios.