Exodo 4:1 - Marahay na Bareta Biblia

¹ Dangan naghapot si Moises sa Kagurangnan, “Halimbawang dai magtubod asin magdangog sako an mga Israelita, ano an gigibohon ko kun magsabi sindang dai ka man nagpahiling sa sako?”

Exodo 4:1 Iomraidhean Croise

1 Mga Hade 13:3

Dangan sarong tanda an itinao kan propeta kan aldaw man sanang iyan, “Ini an tanda na itinaram nin Kagurangnan: ‘Magagaba an altar na ini, asin mauula an mga abo na nasa ibabaw kaini.’”

Exodo 2:14

Nagsimbag an lalaki, “Siisay an nagbugtak saimo na magin samong pamayo asin hukom? Ano, gagadanon mo man ako arog kan ginibo mo sa Egipcio?” Natakot si Moises asin nagsaboot, “Aram na palan an ginibo ko.”

Exodo 3:15

Sabihan mo man an mga Israelita na an Kagurangnan, an Dios kan saindang mga ginikanan, ni Abraham, ni Isaac, asin ni Jacob, iyo an nagsugo saimo sa sainda. Iyo ini an sakong ngaran sagkod pa man. Gigiromdomon ako sa ngaran na ini sa gabos na henerasyon.

Exodo 3:16

Lakaw asin tipona an mga lider nin Israel dangan sabihan mo sinda na Ako, an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob nagpahiling saimo. Sabihan mo na dinalaw ko sinda asin nahiling ko kun ano an ginigibo sainda kan mga Egipcio.

Exodo 3:18

“Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Exodo 4:10

Alagad nagsabi si Moises, “Hare ako pagsugoa, Kagurangnan. Maluya asin kamol akong magtaram. Dati akong maluyang magtaram poon kaidto sagkod ngunyan na makipag-olay ka sako.”

Exodo 4:30

Sinabi sainda ni Aaron an gabos na itinaram nin Kagurangnan ki Moises dangan ginibo ni Moises sa atubang ninda an mga ngangalasan.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Exodo 6:12

Nagsimbag si Moises, “Kun an mga Israelita dai ngani nagdangog sako, an hade pa daw, orog nang gayo na maluya akong magtaram?”

Exodo 6:30

Alagad nagsimbag si Moises, “Aram mong maluya akong magtaram; kaya tadaw ta pagdangogon ako kan hade?”

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Mga Gibo 7:25

Naghohona siya na masasabotan kan kapwa niya mga Israelita na ginagamit siya nin Dios sa pagligtas sainda; alagad dai ninda nasabotan.)

Hukom 6:17

Nagsimbag si Gideon, “Kun talagang nawiwilihan mo ako, pahilingan mo ako nin tanda na ika mananggad an Kagurangnan.