Exodo 32:1 - Marahay na Bareta Biblia

¹ Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 32:1 Iomraidhean Croise

Genesis 19:14

Kaya dinuman ni Lot an mga lalaking gustong mag-agom kan duwa niyang daraga asin sinabihan, “Maghale tolos kamo digdi; tutunawon nin Kagurangnan an syudad na ini.” Alagad an mga ini naghona na nagkakalwag sana si Lot.

Genesis 21:26

Nagsimbag si Abimelek, “Dai ko aram kun siisay an naggibo kaini; dai mo man ini sinabi sako asin ngunyan ko pa sana ini naaraman.”

Genesis 39:8

Nagsayuma si Jose asin nagsabi, “Dai na naghahadit an sakong kagurangnan kan manongod digdi sa harong huli ta uya ako. Ginibo niya akong parapamahala kan gabos niyang pagsadiri;

Genesis 44:15

Nagsabi si Jose, “Ano ining ginibo nindo? Dai nindo aram na an tawong arog sako pwedeng makahula kan saindong ginibo?”

Genesis 44:4

Dai pa sinda nakakaharayo sa syudad, sinabihan ni Jose an pinaniwalaan niyang sorogoon, “Lamaga an mga lalaking idto. Kun maabotan mo na sinda, hapoton mo, ‘Tano ta binalosan nindo nin maraot an marahay na gibo?

Salmo 106:19

Duman sa Sinai guminibo sinda nin estatwa nin baka, sarong dios-dios na saindang sinamba.

Exodo 13:21

Kun aldaw, an Kagurangnan nasa harigi nin panganoron, nangengenot tanganing itukdo sainda an dalan; kun banggi, nasa harigi siya nin kalayo tanganing magtao sainda nin liwanag, tanganing makabaklay sinda sa aldaw asin sa banggi.

Exodo 14:11

Sinabihan ninda si Moises, “Mayo na daw nin mga lulubngan sa Egipto kaya dinara mo kami tanganing digdi sa kalangtadan magadan? Hilinga an ginibo mo sa pagluwasan mo samo sa Egipto!

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 32:22

Nagsimbag si Aaron, “Dai ka maanggot sako; aram mong desidido an mga tawong ini sa paggibo nin maraot.

Exodo 32:23

Sinabihan ninda ako, ‘Igibo mo kami nin sarong dios na mangengenot samo, huli ta dai mi aram kun ano na an nangyari sa Moises na iyan na nangenot samo paluwas sa Egipto.’

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Exodo 33:3

Maduman kamo sa daga na mayaman sa gabos na bagay. Alagad huli ta matagas an saindong payo dai ako maiba saindo ta tibaad tunawon ko kamo sa dalan.”

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mateo 24:43

Alagad saboton nindo ini! Kun aram kan kagharong kun anong oras kan banggi maabot an parahabon, magbabantay siya. Dai nanggad niya tutugotan an parahabon na magsalakat sa saiyang harong.

Mateo 24:48

Alagad kun an maraot na sorogoon magsaboot na haloy pa bago magbalik an saiyang kagurangnan,

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Mga Gibo 19:26

Nahihiling saka nadadangog nindo kun ano an ginigibo kan Pablong ini. Sinasabi niya na an mga dios na gibo nin tawo bako daang dios. Dakul na an mga tawong napatubod niya, bako sana digdi sa Efeso kundi haros sa bilog na Asia.

Mga Gibo 7:40

Sinabihan ninda si Aaron, ‘Igibo mo kami nin mga dios-dios na mangengenot samo, huli ta dai mi aram kun ano na an nangyari sa Moises na ini na nagkua samo sa Egipto.’

Deuteronomio 31:8

An Kagurangnan mismo an mangengenot asin maiba saimo. Dai ka niya papabayaan, kaya dai ka matakot o manluya an saimong boot.”

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

2 Pedro 3:4

Mahapot sinda, “Bakong nanuga si Cristo na mabalik? Haen siya? Nagadan na an satong mga ginikanan, alagad dai man nin nabago poon kan lalangon an kinaban!”