Exodo 3:5 - Marahay na Bareta Biblia

⁵ Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Exodo 3:5 Iomraidhean Croise

Exodo 19:12

Bugtakan mo nin kasagkoran sa palibot kan bukid na dai dapat lampasan kan mga tawo, asin sabihan mo sinda na dai magtukad o magrani sa bukid. An maggibo kaiyan, gagadanon;

Exodo 19:21

Tinaraman siya nin Kagurangnan, “Maghilig ka asin patanidan mo an mga tawo na dai maglampas sa kasagkoran sa paghiling sako. Kun gibohon ninda iyan, dakul sainda an magagadan.

Exodo 4:28

Dangan inistorya ni Moises ki Aaron an gabos na itinaram saiya nin Kagurangnan kan pinapabalik siya sa Egipto, sagkod an manongod sa mga ngangalasan na ipinagboot na gibohon niya.

Parahulit 5:1

Mag-ingat ka kun minaduman ka sa Templo. An magrani tanganing maghinanyog mas marahay ki sa magdolot nin sakripisyo siring sa ginigibo kan mga lolong na tawo, na dai aram na naggigibo sinda nin maraot.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Mga Gibo 7:33

Dangan sinabihan siya kan Kagurangnan, ‘Halea an saimong mga sandalyas huli ta banal an lugar na saimong natotongtongan.

Deuteronomio 23:14

Linigan nindo an saindong kampo huli ta kaiba nindo diyan an Kagurangnan na saindong Dios sa pagligtas saindo asin sa pagtao saindo nin kapangganahan laban sa saindong mga kaiwal. Dai kamo maggibo nin ano man na kadustaan tanganing dai kamo bayaan nin Kagurangnan.

Hebreyo 12:20

huli ta dai ninda matagalan an pagboot na an sabi, “Maski hayop pa an makatungtong sa bukid na ini dapat gapoon sagkod na magadan.”

Josue 5:15

Nagsabi saiya an pamayo kan hukbo nin Kagurangnan, “Haleon mo an saimong mga sandalyas, huli ta banal an lugar na saimong natitindogan.” Ginibo ni Josue an ipinagboot saiya.

2 Pedro 1:18

Nadangog mi an boses na idto na hale sa langit, huli ta kairiba kami kan Kagurangnan duman sa banal na bukid.