Exodo 3:12 - Marahay na Bareta Biblia

¹² Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Exodo 3:12 Iomraidhean Croise

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 15:8

Alagad naghapot si Abram, “O Kagurangnan Dios, paano ko maaaraman na mapapasako ini?”

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 31:3

Dangan tinaraman nin Kagurangnan si Jacob, “Bumalik ka sa daga nin saimong mga magurang asin nin saimong mga kadugo; iibahan taka.”

2 Mga Hade 19:29

Dangan sinabihan ni Isaias si Hadeng Ezekias, “Ini an magigin tanda para saimo: Sa taon na ini asin sa masunod, magkakakan kamo kan trigong nagsadiring magtalubo, alagad sa ikatolong taon matanom kamo nin trigo asin maani kaiyan, dangan matanom kamo nin mga ubas asin makakan kan bunga kaiyan.

1 Mga Cronica 9:20

Minsan, nagin pamayo ninda si Finehas na aking lalaki ni Eleazar, na inibahan nin Kagurangnan.

Salmo 86:17

Kagurangnan, pahilingan sako an tanda kan saimong pagkamaheherakon, tanganing masopog an mga anggot sako, kun mahiling ninda na rinaranga asin tinatabangan mo ako.

Exodo 18:5

Ipinag-iba ni Jetro paduman ki Moises an agom asin an duwang aki kaini sa bukid nin Dios na pinagkampohan niya sa kalangtadan.

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Exodo 3:13

Alagad nagsimbag si Moises, “Kun magduman ako sa mga Israelita asin magsabi sainda, ‘Sinugo ako kan Dios nin saindong mga ginikanan,’ dangan hapoton ninda ako kun ano an saimong ngaran, ano an sasabihon ko?”

Exodo 33:14

Nagtaram an Kagurangnan, “Iibahan taka asin tatawan nin kapahingaloan.”

Exodo 4:12

Kaya lakaw na! Tatabangan takang magpahayag asin tutukdoan taka kan sasabihon mo.”

Exodo 4:15

Kaolayon mo siya asin sabihan mo kan dapat niyang itaram. Pareho ko kamong tatabangan sa pagtaram asin tutukdoan kan saindong gigibohon.

Exodo 8:27

Kaipuhan na maglakaw kami nin tolong aldaw pasiring sa kalangtadan tanganing mag-atang sa Kagurangnan na samong Dios, siring sa ipinagboot niya samo.”

Isaias 37:30

Dangan sinabihan ni Isaias si Hadeng Ezekias, “Iyo ini an magigin tanda para saimo: Sa taon na ini asin sa masunod, magkakakan kamo kan trigo na dai nindo itinanom kundi nagsadiring magtalubo, alagad sa ikatolong taon, matanom na kamo nin trigo asin maani kaiyan, dangan matanom kamo nin nga ubas asin makakan kan bunga kaiyan.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Jeremias 1:8

Dai ka matakot sainda huli ta kaiba mo ako tanganing ingatan ka. Ako, an Kagurangnan, an nagtaram!”

Mga Bilang 16:28

Sinabihan ni Moises an mga tawo, “Sa paaging ini maaaraman nindo na sinugo ako nin Kagurangnan tanganing gibohon an mga bagay na ini, asin bako ko ining sadiring kagustohan.

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Markos 16:20

Nagralakaw an mga disipulo asin naghulit saen man na lugar. Tinabangan sinda kan Kagurangnan asin pinatunayan na an saindang ipinaghuhulit totoo huli sa mga milagro na saindang ginibo.] [

Mga Gibo 11:21

An kapangyarihan kan Kagurangnan yaon sainda, asin kadakul na tawo an nagtubod saka nagbalik sa Kagurangnan.

Mga Gibo 7:7

Alagad huhukoman ko an mga tawong paglilingkodan ninda. Pakatapos, mahale sinda sa nasyon na iyan dangan masamba sako sa lugar na ini.’

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Hukom 6:12

Nagpahiling saiya an anghel nin Kagurangnan asin nagsabi, “Yaon saimo an Kagurangnan, maisog asin makosog na lalaki!”

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”

Hukom 6:17

Nagsimbag si Gideon, “Kun talagang nawiwilihan mo ako, pahilingan mo ako nin tanda na ika mananggad an Kagurangnan.

Hukom 6:21

Dangan an karne saka tinapay dinutaan kan anghel nin Kagurangnan kan poro kan saiyang sugkod. Biglang luminuwas an kalayo hale sa gapo asin tinutong an karne sagkod an tinapay. Pakatapos kaini, nawara an anghel.

Hukom 7:11

Madadangog mo kun ano an saindang pinag-oorolayan dangan magkakaigwa ka nin isog tanganing salakayon sinda.” Kaya naglugsot si Gideon asin si Pura pasiring sa kampo kan mga kaiwal.

1 Samuel 14:10

Alagad kun padolokon ninda kita, madolok kita, huli ta iyo iyan an magigin tanda na papaganahon kita nin Kagurangnan laban sainda.”