Exodo 3:10 - Marahay na Bareta Biblia

¹⁰ Ngunyan susugoon taka sa hade tanganing ikaluwas mo sa Egipto an mga Israelita na sakong banwaan.”

Exodo 3:10 Iomraidhean Croise

Genesis 15:13

Dangan nagtaram saiya an Kagurangnan, “An saimong mga kapagarakian magigin mga dayuhan sa bako nindang daga, magigin mga oripon duman asin pag-aapihon sa laog nin kwatro syentos na taon.

Genesis 15:14

Alagad papadusahan ko an nasyon na maoripon sainda, asin sa paghale ninda duman, dakulang kayamanan an madadara ninda.

Salmo 105:26

Dangan sinugo niya si Moises na saiyang sorogoon, asin si Aaron na saiyang pinili.

Salmo 77:20

Siring sa sarong pastor, pinangenotan mo an saimong banwaan, sa pamamahala ni Moises saka ni Aaron.

Exodo 12:40

Nag-erok sa Egipto an mga Israelita sa laog nin kwatro syentos treyntang taon.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 33:12

Nagsabi si Moises sa Kagurangnan, “Totoo mananggad na sinabihan mo ako na pangenotan ko an mga tawong ini pasiring sa dagang idto, alagad dai mo ako tinaraman kun siisay an makakatabang ko. Nagsabi kang midbid mo ako asin nawiwilihan mo.

Exodo 33:13

Kaya ngunyan, kun totoong nawiwilihan mo ako, pahilingan sako an saimong mga plano, tanganing mamidbid taka asin padagos na mawilihan mo ako. Giromdoma man na pinili mo an banwaan na ini para saimo.”

Exodo 6:26

Si Aaron asin si Moises iyo an mga tawong tinaraman nin Kagurangnan na, “Pangenotan nindo an mga Israelita sa pagluwas sa Egipto.”

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mga Gibo 7:34

Nahiling ko an kasakitan kan sakong banwaan sa Egipto. Nadangog ko an inagrangay ninda kaya nagdigdi ako sa pagligtas sainda. Madya ta susugoon taka sa Egipto.’

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Mga Gibo 7:6

Ini an sinabi nin Dios saiya, ‘An saimong kapagarakian mag-eerok sa ibang daga na bako nindang sadiri. Ooriponon sinda duman saka papasakitan sa laog nin kwatro syentos na taon.

Mga Gibo 7:7

Alagad huhukoman ko an mga tawong paglilingkodan ninda. Pakatapos, mahale sinda sa nasyon na iyan dangan masamba sako sa lugar na ini.’

Hukom 6:14

Dangan pinagbotan siya nin Kagurangnan, “Lakaw sa bilog mong kosog asin ligtasan sa mga Midianita an banwaan nin Israel. Ako mismo an minasugo saimo.”

1 Samuel 12:6

Nagpadagos si Samuel, “An Kagurangnan an nagpili ki Moises saka ki Aaron; siya an nagluwas kan saindong mga ginikanan hale sa Egipto.

1 Samuel 12:8

Kan magduman sa Egipto si Jacob asin an saiyang pamilya dangan inapi sinda kan mga Egipcio, nag-agrangay sa Kagurangnan an saindong mga ginikanan tanganing tabangan sinda. Sinugo nin Kagurangnan si Moises saka si Aaron, na nagluwas sainda sa Egipto asin nagpaerok sainda sa dagang ini.