Exodo 3:1 - Marahay na Bareta Biblia

¹ Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Exodo 3:1 Iomraidhean Croise

1 Mga Hade 19:19

Naghale si Elias asin nakua niya si Eliseo na nag-aarado; igwa nin onseng pades na torong baka sa enotan niya, asin yaon siya sa ikadoseng pades. Hinuba ni Elias an saiyang alikboy asin inalikboy ki Eliseo.

1 Mga Hade 19:8

Nagbangon si Elias, nagkakan saka nag-inom, dangan sa kosog na itinao kan pagkakan na idto, naglakaw siya sa laog nin kwarentang aldaw saka kwarentang banggi pasiring sa Sinai, an bukid nin Dios.

Salmo 106:19

Duman sa Sinai guminibo sinda nin estatwa nin baka, sarong dios-dios na saindang sinamba.

Exodo 17:6

Duman sa Bukid nin Sinai, matindog ako sa ibabaw nin sarong gapo sa atubangan nindo. Pakolon mo an gapo, asin maluwas duman an tubig na iinomon kan mga tawo.” Ginibo ini ni Moises sa atubangan kan mga lider nin Israel.

Exodo 18:12

Dangan nagdolot si Jetro nin tinutong na atang asin nin iba pang mga dolot sa Dios. Nag-abot si Aaron kaiba an gabos na lider nin Israel tanganing sa kaibahan kan panugangan ni Moises magkarakan sinda sa atubang nin Dios.

Exodo 19:11

asin mag-andam sinda sa ikatolong aldaw; huli ta sa aldaw na iyan mahilig ako sa Bukid nin Sinai tanganing mahiling kan mga tawo.

Exodo 19:3

Nagtukad si Moises sa bukid tanganing tuparon an Dios. Inapod siya nin Kagurangnan hale sa bukid asin tinaraman, “Sabihan mo an mga kapagarakian ni Jacob, an banwaan nin Israel:

Exodo 2:18

Pagpuli ninda, naghapot an saindang ama, “Tadaw ta naamay kamo ngunyan?”

Exodo 2:21

Pinagmarahay ni Moises na duman na mag-erok. Dangan ipinaagom ni Jetro saiya an aki niyang si Zippora.

Exodo 24:13

Kaya nag-andam si Moises saka si Josue na saiyang katabang dangan nagpoon si Moises sa pagtukad sa bukid nin Dios.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Exodo 33:6

Kaya magpoon sa Bukid nin Sinai, dai na nagsulot nin mga alahas an mga Israelita.

Exodo 4:18

Nagpuli si Moises sa panugangan niyang si Jetro asin nagsabi, “Tugote akong magbalik sa Egipto. Aaramon ko kun buhay pa an sakong mga kadugo duman.” Tinugotan siya ni Jetro dangan benendisyonan.

Exodo 4:27

Nagtaram an Kagurangnan ki Aaron, “Magduman ka sa kalangtadan sa pagsabat ki Moises.” Kaya naglakaw siya sa pagsabat ki Moises sa bukid nin Dios; pakahiling niya ki Moises hinadokan niya ini.

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Malakias 4:4

“Giromdoma nindo an katukdoan kan sakong sorogoon na si Moises, an mga togon saka mga pagboot na itinao ko saiya sa Bukid nin Sinai na dapat kuyogon kan gabos na tawo sa Israel.

Mga Bilang 10:29

Sinabihan ni Moises an saiyang bayaw na si Hobab na aki kan panugangan niyang si Jetro na Midianita, “Maduman na kami sa lugar na ipinanugang itatao samo nin Kagurangnan. Nanuga siya na tatawan nin mauswag na pamumuhay an Israel kaya umiba ka samo asin hihirasan mi ika kan biyayang samong makakamtan.”

Mga Bilang 10:33

Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Lukas 2:8

Harani sa lugar na idto, igwa nin mga pastor sa kaomahan na nagpapaaga sa pagbantay kan saindang mga karnero.

Mga Gibo 7:30

“Pakalihis nin kwarentang taon, nagpahiling ki Moises an sarong anghel sa sarong naglalaad na sadit na kahoy, duman sa kalangtadan na harani sa Bukid nin Sinai.

Deuteronomio 1:2

An distansya hale sa Bukid nin Sinai sagkod sa Kades-barnea mababaklay sa laog nin onseng aldaw kun mag-agi sa kabubuldan nin Edom.)

Deuteronomio 1:6

“Kan kita nasa Bukid nin Sinai, nagtaram satuya an Kagurangnan na satong Dios, ‘Haloy na kamo sa bukid na ini.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Hukom 4:11

Sa oras na idto, naghale si Heber na Cineo sa lugar kan kapwa niya Cineo, na kapagarakian ni Hobab na panugangan na lalaki ni Moises. Nagtugdok si Heber kan saiyang tolda harani sa Kedes, sa may kahoy na hamurawon sa Zanannim.

1 Samuel 16:11

Dangan naghapot si Samuel ki Jesse, “Iyo sana ini an mga aki mo?” Nagsimbag si Jesse, “Igwa pa nin saro; an ngohod, alagad nag-aataman siya kan mga karnero.” “Ipaapod mo siya,” an sabi ni Samuel. “Dai kita madolot kan sakripisyo sagkod na dai siya mag-abot.”