Exodo 27:9 - Marahay na Bareta Biblia

⁹ “An patyo kan Tabernakulo gibohon nindo sa mga kurtina nin hinabol na pinong lino. Sa parteng habagat, kwarenta y kwatro metros an laba kan kurtina

Exodo 27:9 Iomraidhean Croise

1 Mga Hade 6:36

Ginibo sa atubangan kan Templo an panlaog na patyo, na napapalibotan nin kudal na ginibo sa paagi nin pagbabaw kan kahoy na sedro sa lambang tolong babaw na gapo.

1 Mga Hade 8:64

Kan aldaw man na iyan, kinonsagra kan hade an tahaw kan patyo na nasa atubangan kan Templo; idinolot niya duman an mga tinutong na atang, an dolot na pagkakan, asin an taba kan mga hayop bilang mga dolot para sa katoninongan. Duman niya ini ginibo huli ta an bronseng altar sadit nin marahay para sa gabos na dolot.

2 Mga Cronica 33:5

Sa duwang patyo kan Templo, nagpagibo siya nin mga altar para sa pagsamba kan mga bitoon.

2 Mga Cronica 4:9

Nagpagibo siya nin panlaog na patyo para sa mga padi asin saro pang panluwas na patyo. An mga pinto kan mga patyong ini ipinapatos niya sa bronse.

Salmo 100:4

Lumaog sa saiyang mga trangkahan na may pasalamat, dumuman sa saiyang mga patyo na may pag-omaw. Pasalamatan siya asin omawon an saiyang ngaran!

Salmo 116:19

sa mga patyo kan harong nin Kagurangnan, sa tahaw mo, O Jerusalem. Omawon an Kagurangnan!

Salmo 84:10

Sarong aldaw sa laog nin saimong mga patyo orog na marahay ki sa sangribong aldaw sa ibang lugar. Papaorogon ko an magtindog sa trangkahan kan harong nin sakong Dios, ki sa mag-erok sa harong nin mga tampalasan.

Salmo 92:13

Siring sinda sa mga kahoy na itinanom sa harong nin Kagurangnan, nagtatalubo sinda sa mga patyo nin satong Dios,

Exodo 27:10

na titindihon sa beynteng bronseng harigi na papatindogan sa beynteng bronseng patungtongan. An mga kawit saka mga barat kan harigi gibohon nindo sa plata.

Exodo 35:17

an mga kurtina para sa patyo, an mga harigi asin an mga patungtongan kaini; an kurtinang panlipod sa pintoan kan patyo;

Exodo 36:17

Dangan tinahian ninda nin singkwentang tarotalinga an enot na pedaso; iyo man an ginibo ninda sa ikaduwa.

Exodo 39:40

an mga kurtina para sa patyo, an mga harigi saka an mga patungtongan kaini; an kurtinang panlipod sa pintoan kan patyo asin an mga lubid; an mga palo para sa Tabernakulo; an gabos na gamit para sa paglingkod sa Tabernakulo;

Exodo 40:33

Pinatindog ni Moises an patyo sa palibot kan Tabernakulo asin kan altar dangan linipodan niya nin kurtina an pintoan kan patyo. Natapos ni Moises an gabos na trabaho.

Exodo 40:8

Patindogon mo an patyo sa palibot, asin lipodan mo nin kurtina an pintoan.

Ezekiel 40:14

An pinakaporong kwarto iyo an kapinonan nin sarong patyo. Sinukol niya an kwarto asin naaraman niya na sampolong metros an lakbang kaini.

Ezekiel 40:17

Ipinag-iba ako kan lalaki sa patyong nasa luwas. Igwa duman nin treyntang kwarto na an mga likod nakadukot sa kudal na nasa luwas, asin sa atubangan kan mga ini igwa nin sarong palitadang gapo,

Ezekiel 40:20

Dangan sinukol kan lalaki an trangkahan sa parteng amihan na minapasiring sa patyong nasa luwas.

Ezekiel 40:23

Sa ibong kan patyo hale sa trangkahan na ini sa amihan, igwa pa nin sarong trangkahan na minapasiring sa patyong nasa laog, siring na igwa man kaini sa parteng sirangan. Sinukol kan lalaki an distansya sa pagultanan kan duwang trangkahan asin an sukol minaabot sa singkwenta metros.

Ezekiel 40:28

Dangan ipinag-iba ako kan lalaki sa patyong nasa laog, asin duman kami nag-agi sa trangkahan sa habagat. Sinukol niya an trangkahan sa habagat, asin pareho man an sukol kaini sa mga trangkahan sa kudal na nasa luwas.

Ezekiel 40:32

Ipinag-iba ako kan lalaki sa patyong nasa laog, asin duman kami nag-agi sa trangkahan sa sirangan. Sinukol niya an trangkahan sa sirangan asin pareho man an sukol kaini kan sa iba.

Ezekiel 40:44

Dangan ipinag-iba ako kan lalaki sa patyong nasa laog. Igwa digdi nin duwang kwarto: an saro atubang sa habagat, kataed kan trangkahan sa amihan, asin an saro atubang sa amihan, kataed kan trangkahan sa habagat.

Ezekiel 42:3

An sarong gilid kaini nakaatubang sa lugar na mayong atop, na sampolong metros an lakbang, asin an saro pang gilid nakaatubang sa palitada kan patyong nasa luwas. Tolong eskalon an edipisyong ini.

Mga Bilang 3:26

kan mga kurtina sa patyo na nasa palibot kan Tabernakulo saka kan altar, asin kan kurtinang panlipod sa pintoan kan patyo. Sainda an gabos na trabaho na may kinaaraman sa mga bagay na ini.

Mga Bilang 4:26

kan mga kurtina asin kan mga lubid para sa patyo na nasa palibot kan Tabernakulo sagkod kan altar, kan panlipod na kurtina para sa pintoan kan patyo asin kan gabos na kagamitan sa pagpatindog kaiyan. Sainda an gabos na trabaho na may kinaaraman sa mga bagay na iyan.

Mga Bilang 4:32

kan mga harigi, mga patungtongan, mga taldok saka mga lubid kan patyo, kaiba an mga kagamitan sa pagpatindog kaiyan. An lambang saro magmamangno kan mga bagay na itinalaan saiya tanganing darahon.